ഝാര്ഖണ്ഡ് ടീമിന്‍റെ ഉപദേശകനായി ധോണി
ഝാര്ഖണ്ഡ് ടീമിന്‍റെ ഉപദേശകനായി ധോണി
ഒരു യുവതാരത്തിന് താന്‍ മൂലം അവസരം നഷ്ടപ്പെടരുതെന്ന് നിര്‍ബന്ധമുണ്ടെന്നും അതിനാലാണ് ടീമിനായി കളത്തിലിറങ്ങാത്തതെന്നും ഇന്ത്യന്‍ ഏകദിന ....
ജീവിതകഥ പറയുന്ന സിനിമ ചര്‍ച്ചയാകുമ്പോള്‍ ഇന്ത്യന്‍ ഏകദിന നായകന്‍ മഹേന്ദ്ര സിങ് ധോണി മറ്റൊരു തിരക്കിലാണ്. രഞ്ജി ട്രോഫി മത്സരത്തിനിറങ്ങുന്ന ഝാര്ഖണ്ഡ് ടീമിന് കളിയുടെ പുതിയ പാഠങ്ങള്‍ പകര്‍ന്നു നല്‍കുകയാണ് മഹി. ഡല്‍ഹിയിലുള്ള ടീമിന്‍റെ പരിശീലന ഗ്രൌണ്ടിലെത്തിയ ധോണി ടീമംഗങ്ങളുമായി ഏറെ സമയം ചെലവിട്ടു. കളിക്കാരും പരിശീലകനും ഏറെ ആഹ്ലാദത്തോടെയാണ് ഇന്ത്യന്‍ നായകനെ സ്വീകരിച്ചത്. നെറ്റ്സില്‍ കുറച്ചു സമയം ചെലവിട്ട ധോണി ബൌളര്‍മാര്‍ക്കും ബാറ്റ്സ്മാന്‍മാര്‍ക്കും വിലപ്പെട്ട ഉപദേശങ്ങളും നല്‍കി. ഈ സീസണ്‍ മുഴുവന്‍ ടീമിനെ സഹായിക്കാനായി ധോണിയുണ്ടാകും.
ഝാര്‍ഖണ്ഡിനായി താന്‍ കളിക്കാനിറങ്ങില്ലെങ്കിലും ടീമിനൊപ്പമുണ്ടാകുമെന്ന് ധോണി അറിയിച്ചു. ഒരു യുവതാരത്തിന് താന്‍ മൂലം അവസരം നഷ്ടപ്പെടരുതെന്ന് നിര്‍ബന്ധമുണ്ടെന്നും അതിനാലാണ് ടീമിനായി കളത്തിലിറങ്ങാത്തതെന്നും ഇന്ത്യന്‍ ഏകദിന നായകന്‍ കൂട്ടിച്ചേര്‍ത്തു. 2014ല്‍ ടെസ്റ്റ് ക്രിക്കറ്റില്‍ നിന്നും വിരമിച്ച ധോണി ഏകദിന, ട്വന്‍റി20 മത്സരങ്ങളില്‍ മാത്രമാണ് ഇപ്പോള്‍ കളിക്കുന്നത്.
Adjust Story Font
16
