ഗംഭീറിന് മറുപടിയുമായി അസ്ഹറുദ്ദീന്‍; പിന്നാലെ ട്വീറ്റ് പിന്‍വലിച്ചു
ട്വീറ്റ് ചെയ്യുന്നതിന് മുമ്പെ നന്നായി ആലോചിക്കണമെന്നും ഒരു പ്രത്യേക രാഷ്ട്രീയ പാര്‍ട്ടിയെ ഗംഭീര്‍ സുഖിപ്പിച്ചാല്‍ മതിയെന്നും അസ്ഹര്‍ ട്വിറ്ററില്‍ പറയുന്നു. പിന്നാലെ ഈ ട്വീറ്റ് അസ്ഹര്‍ ഡിലീറ്റ് ചെയ്തു.
മണിയടി വിവാദത്തില്‍ ഗൗതം ഗംഭീറിന് മറുപടിയുമായി മുന്‍ ഇന്ത്യന്‍ നായകന്‍ അസ്ഹറുദ്ദീന്‍. ഇന്ത്യ-വെസ്റ്റ് ഇന്‍ഡീസ് ടി20 പരമ്പരയിലെ കൊല്‍ക്കത്തയില്‍ നടന്ന ആദ്യ മത്സരത്തിന് മുന്നോടിയായി ഈഡന്‍ ഗാര്‍ഡനിലെ പ്രശസ്തമായ മണിയടിച്ചത് അസ്ഹറായിരുന്നു. ഇതാണ് ഗംഭീറിനെ ചൊടിപ്പിച്ചത്. ഒത്തുകളി ആരോപണം നേരിടുന്ന വ്യക്തികളെ എന്തിന് മണിയടിക്കാന്‍ വിളിക്കണമെന്നായിരുന്നു ഗംഭീറിന്റെ ചോദ്യം. ട്വിറ്ററിലൂടെയായിരുന്നു ഗംഭീറിന്റെ ചോദ്യം.
ഇന്ത്യ ചിലപ്പോള്‍ ഇന്നത്തെ മത്സരം വിജയിച്ചിട്ടുണ്ടാകും. എന്നാല്‍ ബിസിസിഐയും സിഒഎയും ബംഗാള്‍ ക്രിക്കറ്റ് അസോസിയേഷനും പരാജയപ്പെട്ടു. അഴിമതിക്കാരോട് വിട്ടുവീഴ്‌ച്ചയില്ലെന്ന പോളിസിക്ക് ഞായറാഴ്‌ച്ച അവധി നല്‍കിയോ എന്നായിരുന്നു ഗംഭീറിന്റെ ചോദ്യം. ഇതിനാണ് അസ്ഹര്‍ മറുപടി നല്‍കിയത്.
അസ്ഹര്‍ പിന്‍വലിച്ച ട്വീറ്റിന്‍റെ സ്ക്രീന്ഷോട്ട്ഓരോന്ന് ട്വീറ്റ് ചെയ്യുന്നതിന് മുമ്പെ നന്നായി ആലോചിക്കണമെന്നും ഒരു പ്രത്യേക രാഷ്ട്രീയ പാര്‍ട്ടിയെ മാത്രം ഗംഭീര്‍ സുഖിപ്പിച്ചാല്‍ മതിയെന്നും അസ്ഹര്‍ ട്വിറ്ററില്‍ പറയുന്നു. പിന്നാലെ ഈ ട്വീറ്റ് അസ്ഹര്‍ ഡിലീറ്റ് ചെയ്തു. കൂടുതല്‍ വിവാദങ്ങള്‍ക്ക് താല്‍പര്യമില്ലാത്തതിനാലാവാം അദ്ദേഹം ട്വീറ്റ് മായ്ച്ച്കളഞ്ഞതെന്നാണ് സോഷ്യല്‍ മീഡിയയിലെ സംസാരം
അസ്ഹറിന്റെ ട്വീറ്റ് ഇങ്ങനെയായിരുന്നു, അസ്ഹര്‍ മഹാനായൊരു ക്രിക്കറ്ററാണ്, നിയമത്തിന്റെ കണ്ണില്‍ അയാള്‍ കുറ്റക്കാരനല്ല, ഗംഭീറിന് ഒരു പ്രത്യേക പാര്‍ട്ടിയെ സുഖിപ്പിക്കണം, അനുഭവസമ്പത്തുള്ള ഒരു മുന്‍താരത്തോട് ഒന്നും പറയേണ്ടതില്ല. ഒരു ക്രിക്കറ്ററെന്ന നിലയില്‍ അയാള്‍ താങ്കളേക്കാള്‍ മികച്ചവനാണ്. ആലോചിച്ച് മാത്രം ട്വീറ്റ് ചെയ്യുക
India may have won today at Eden but I am sorry @bcci, CoA &CAB lost. Looks like the No Tolerance Policy against Corrupt takes a leave on Sundays! I know he was allowed to contest HCA polls but then this is shocking....The bell is ringing, hope the powers that be are listening. pic.twitter.com/0HKbp2Bs9r
— Gautam Gambhir (@GautamGambhir) November 4, 2018
Adjust Story Font
16
