പാരീസ് ഒളിമ്പിക്‌സ്; ടേബിൾ ടെന്നീസിൽ ഇന്ത്യയുടെ പ്രീജ അകുല പ്രീക്വാർട്ടറിൽ

പാരിസ്: പാരിസ് ഒളിമ്പിക്‌സിൽ വനിതകളുടെ ടേബിൾ ടെന്നീസിൽ ഇന്ത്യൻ താരം ശ്രീജ അകുല പ്രീ ക്വാർട്ടറിൽ. സിംഗപ്പൂരിന്റെ സെങ് ജിയാനെ 4-2നാണ് പരാജയപ്പെടുത്തിയത്. ആദ്യ ഗെയിമിൽ കീഴടങ്ങിയ ശേഷം ശക്തമായി മത്സരത്തിലേക്ക് തിരിച്ചുവരികയായിരുന്നു. സ്‌കോർ-9-11, 12-10, 11-4, 11-5, 10-12, 12-10. തന്റെ ജൻമദിനത്തിലാണ് താരം ഇന്ത്യക്കായി ആവേശ വിജയം സ്വന്തമാക്കിയത്.

SREEJA AKULA INTO THE ROUND OF 16..!!! 🇮🇳

The birthday girl is on a mission 🤩 pic.twitter.com/yYhBYnNodI

— Het Tanna (@HetTannaHere) July 31, 2024

ആദ്യ ഗെയിമിൽ 9-11 എന്ന സ്‌കോറിനാണ് പരാജയപ്പെട്ടത്. എന്നാൽ തുടർച്ചയായി മൂന്ന് ഗെയിമുകൾ പിടിച്ചെടുത്ത ശ്രീജ കളി കൈവശപ്പെടുത്തി. ആവേശ മത്സരത്തിനൊടുവിൽ അഞ്ചാം ഗെയിം നഷ്ടമായി. ആറാം ഗെയിമിലും ശക്തമായ മത്സരമാണ് യുവതാരം നേരിട്ടത്. ഒടുവിൽ 12-10 എന്ന സ്‌കോറിൽ താരം ഗെയിമും വിജയവും സ്വന്തമാക്കി. ഇതാദ്യമായി ഒളിമ്പിക്‌സ് ടേബിൾ ടെന്നിസിൽ രണ്ട് ഇന്ത്യൻ താരങ്ങൾ പ്രീക്വാർട്ടറിൽ കടക്കുന്നത്. നേരത്തെ മണിക ബത്രയും പ്രീക്വാർട്ടർ പ്രവേശനം ഉറപ്പിച്ചിരുന്നു.

🇮🇳🔥𝗪𝗵𝗮𝘁 𝗮 𝘄𝗶𝗻 𝗳𝗼𝗿 𝗦𝗿𝗲𝗲𝗷𝗮! Sreeja Akula records a fine victory against 🇸🇬's Jian Zeng to become only the second Indian female paddler to make it to the round of 16 in the Olympics.

🏓 After narrowly losing the first game to Jian Zeng, Sreeja managed to swing the… pic.twitter.com/oLFDtzmttl

— India at Paris 2024 Olympics (@sportwalkmedia) July 31, 2024

നേരത്തെ ബാഡ്മിന്റൺ വനിതാ സിംഗിൾസിൽ ഇന്ത്യയുടെ പി.വി സിന്ധു ക്വാർട്ടറിലെത്തിയിരുന്നു. എസ്റ്റോണിയയുടെ ക്രിസ്റ്റൻ കുബയെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് സിന്ധു അനായാസം പ്രീക്വാർട്ടറിൽ പ്രവേശിച്ചത്. സ്‌കോർ 21-15, 21-10. ഷൂട്ടിങ് 50 മീറ്റർ റൈഫിൾ വിഭാഗത്തിൽ ഇന്ത്യയുടെ സ്വപ്നിൽ കുസാലെയും ഫൈനലിൽ പ്രവേശിച്ചു. ഏഴാംസ്ഥാനക്കാരനായാണ് കുസാലെയുടെ ഫൈനൽ പ്രവേശനം. മൂന്ന് ഇനങ്ങളിലുമായി 590 പോയിന്റ് നേടിയാണ് കുസാലെ ഏഴാം സ്ഥാനത്തെത്തിയത്.