ഐപിഎല്ലില്‍ സ്റ്റെയിനിന് ആദ്യ വിക്കറ്റ്!
ഐപിഎല്ലില്‍ സ്റ്റെയിനിന് ആദ്യ വിക്കറ്റ്!
കുട്ടിക്രിക്കറ്റിനെ വെല്ലുന്ന കുട്ടികളുമായുള്ള ക്രിക്കറ്റ് മത്സരത്തില്‍ വിക്കറ്റ് നേടിയ സ്റ്റെയിന്‍ ഇത് തന്‍റെ ഇന്‍സ്റ്റാഗ്രാം അക്കൌണ്ടിലൂടെ ഷെയര്‍ ചെയ്യുകയും
ഐപിഎല്ലില്‍ സണ്‍റൈസേഴ്സ് ഹൈജരാബാദിനെ വിട്ട് പുതിയ ടീമായ ഗുജറാത്ത് ലയണ്‍സിലേക്ക് ചേക്കേറിയ ദക്ഷിണാഫ്രിക്കന്‍ പേസര്‍ സ്റ്റെയിനിന് ഇതുവരെ കളം തുടാനായിട്ടില്ല. കളിച്ച മൂന്നു മത്സരങ്ങളിലും മിന്നുന്ന ജയം നേടിയ ഗുജറാത്ത് ടീം അരങ്ങേറ്റം തന്നെ ഗംഭീരമാക്കിയെങ്കിലും ഒരു മത്സരത്തില്‍ പോലും സ്റ്റെയിനിന് കളിക്കേണ്ടി വന്നില്ല. റിസര്‍വ് ബഞ്ചില്‍ കാഴ്ചക്കാരനായി ഇരിക്കുന്നതിനിടയിലും സ്റ്റെയിന്‍ ഈ ഐപിഎല്ലിലെ തന്‍റെ ആദ്യ വിക്കറ്റ് സ്വന്തമാക്കി. ഇത് ആരാധകരുമായി പങ്കിടുകയും ചെയ്തു.
മുംബൈയിലെ തെരുവുകളില്‍ കുട്ടികളുമൊത്ത് കളിച്ചാണ് കളത്തിലെ അഭാവത്തിന് താരം പരിഹാരം കണ്ടെത്തിയത്. കുട്ടിക്രിക്കറ്റിനെ വെല്ലുന്ന കുട്ടികളുമായുള്ള ക്രിക്കറ്റ് മത്സരത്തില്‍ വിക്കറ്റ് നേടിയ സ്റ്റെയിന്‍ ഇത് തന്‍റെ ഇന്‍സ്റ്റാഗ്രാം അക്കൌണ്ടിലൂടെ ഷെയര്‍ ചെയ്യുകയും ചെയ്തു. അതും ഐപിഎല്ലില്‍ എന്‍റെ ആദ്യ വിക്കറ്റ് എന്ന വിശേഷത്തോടെ.
Adjust Story Font
16
