ലോകകപ്പ് യോഗ്യത: ഇംഗ്ലണ്ടിനും ജര്‍മ്മനിക്കും ജയം
ഇഞ്ചുറി ടൈമില്‍ നേടിയ ഏക ഗോളിലാണ് ഇംഗ്ലണ്ട് സ്ലോവാക്യക്കെതിരെ ജയിച്ചു കയറിയത്
ലോകകപ്പ് യോഗ്യതാ റൌണ്ട് മത്സരങ്ങളില്‍ ജര്‍മ്മനിക്കും ഇംഗ്ലണ്ടിനും ജയം. ജര്‍മ്മനി എതിരില്ലാത്ത മൂന്ന് ഗോളിന് നോര്‍വെയെ തോല്‍പ്പിച്ചപ്പോള്‍ ഇംഗ്ലണ്ട് സ്ലോവാക്യയെ ഒരു ഗോളിന് തോല്‍പ്പിച്ചു. തോമസ് മുള്ളറിന്റെ ഇരട്ട ഗോളാണ് ജര്‍മ്മനിക്ക് മികച്ച വിജയം സമ്മാനിച്ചത്. തോമസ് മുള്ളറിന്റെ തിരിച്ചുവരവായിരുന്നു ജര്‍മ്മനി നോര്‍വെ മത്സരത്തിന്‍റെ സവിശേഷത. മത്സരത്തിന്‍റെ ഗതിയറിയിച്ച് പതിനാറാം മിനുട്ടില്‍ തന്നെ മുള്ളര്‍ നോര്‍വെ വല ചലിപ്പിച്ചു. പുത്തന്‍ താരോദയം ജോഷ്വ കിമ്മിച്ചിന്റേതായിരുന്നു അടുത്ത ഊഴം. ആദ്യ പകുതിയിലെ അപ്രമാദിത്തം രണ്ടാം പകുതിയിലും തുടര്‍ന്ന നിലവിലെ ലോക ചാമ്പ്യന്‍മാരെ മുള്ളര്‍ 57ആം മിനുട്ടില്‍ വീണ്ടും മുന്നിലെത്തിച്ചു.
അതെ സമയം ഇഞ്ചുറി ടൈമില്‍ നേടിയ ഏക ഗോളിലാണ് ഇംഗ്ലണ്ട് സ്ലോവാക്യക്കെതിരെ ജയിച്ചു കയറിയത്. തൊണ്ണൂറ്റിയഞ്ചാം മിനുട്ടില്‍ ആദം ലല്ലാനയാണ് ഇംഗ്ലണ്ടിനെ രക്ഷിച്ചത്. മാള്‍ട്ടക്കെതിരെയാണ് ഇംഗ്ലണ്ടിന്റെ അടുത്ത മത്സരം.
Adjust Story Font
16
