ലിയാണ്ടര്‍ പെയ്സ് ഇതിഹാസതാരമെന്ന് നദാല്‍
ലിയാണ്ടര്‍ പെയ്സ് ഇതിഹാസതാരമെന്ന് നദാല്‍
ഇന്ത്യന്‍ ടെന്നീസ് താരം ലിയാണ്ടര്‍ പെയ്സിന് മുന്‍ ലോക ഒന്നാം നമ്പര്‍ താരം റഫേല്‍ നദാലിന്റെ പ്രശംസ.
ഇന്ത്യന്‍ ടെന്നീസ് താരം ലിയാണ്ടര്‍ പെയ്സിന് മുന്‍ ലോക ഒന്നാം നമ്പര്‍ താരം റഫേല്‍ നദാലിന്റെ പ്രശംസ. ടെന്നീസ് ചരിത്രത്തിലെ ഏറ്റവും മികച്ച താരങ്ങളിലൊരാളാണ് പെയ്സെന്ന് നദാല്‍ പറഞ്ഞു. ഡേവിസ് കപ്പ് ഡബിള്‍സില്‍ പെയ്സ്- മൈനേനി സഖ്യത്തിനെതിരായ മത്സരത്തിന് ശേഷം സംസാരിക്കുകയായിരുന്നു നദാല്‍.
പെയ്സിനെപ്പോലൊരു കളിക്കാരനെതിരെ അദ്ദേഹത്തിന്റെ നാട്ടില്‍ കളിക്കാനായതില്‍ സന്തോഷമുണ്ടെന്ന് നദാല്‍ പറഞ്ഞു. ടെന്നീസ് ഡബിള്‍സില്‍ ഇതിഹാസ താരങ്ങളിലൊരാളാണ് പെയ്സ്. ഈ രാത്രി ഒരിക്കലും മറക്കാനാകില്ലെന്നും നദാല്‍ പറഞ്ഞു. തനിക്ക് പിന്തുണ നല്‍കിയ ഇന്ത്യന്‍ ആരാധകര്‍ക്ക് നന്ദി പറയാനും നദാല്‍ മറന്നില്ല. ഇന്ത്യന്‍ സഖ്യത്തിനെതിരായ മത്സരം കടുത്തതായിരുന്നെന്നും ലോക ഗ്രൂപ്പില്‍ തിരിച്ചെത്താനായതില്‍ സന്തോഷമുണ്ടെന്നും നദാല്‍ കൂട്ടിച്ചേര്‍ത്തു. നാല് സെറ്റ് നീണ്ട മത്സരത്തിലാണ് മാര്‍ക്ക് ലോപസ്- റഫേല്‍ നദാല്‍ ജോഡി ലിയാണ്ടര്‍ പെയ്സ്- സാകേത് മൈനേനി സഖ്യത്തെ തോല്‍പിച്ചത്. ആദ്യ സെറ്റ് നേടിയ ഇന്ത്യക്കെതിരെ തുടര്‍ച്ചയായി മൂന്ന് സെറ്റുകള്‍ സ്വന്തമാക്കിയായിരുന്നു സ്പാനിഷ് സഖ്യം ജയം നേടിയത്.
Adjust Story Font
16
