വിംബിള്‍ഡണ്‍ കിരീടം ആന്‍ഡി മറെക്ക്
വിംബിള്‍ഡണ്‍ കിരീടം ആന്‍ഡി മറെക്ക്
വിംബിള്‍ഡണ്‍ ടെന്നീസില്‍ പുരുഷ വിഭാഗം സിംഗിള്‍സില്‍ ബ്രിട്ടന്റെ ലോക രണ്ടാം നമ്പര്‍ താരം ആന്‍ഡി മറെ കിരീടം ചൂടി
വിംബിള്‍ഡണ്‍ ടെന്നീസില്‍ പുരുഷ വിഭാഗം സിംഗിള്‍സില്‍ ബ്രിട്ടന്റെ ലോക രണ്ടാം നമ്പര്‍ താരം ആന്‍ഡി മറെ കിരീടം ചൂടി. മറെയുടെ കരിയറിലെ രണ്ടാം വിംബിള്‍ഡണ്‍ കിരീടമാണിത്. കാനഡയുടെ മിലോസ് റോണിച്ചിനെ നേരിട്ടുള്ള സെറ്റുകള്‍ക്ക് കീഴടക്കിയാണ് മറെയുടെ കിരീടനേട്ടം. ആദ്യ സെറ്റ് 6-4 ന് നേടിയ മറെ രണ്ടും മൂന്നും സെറ്റുകള്‍ ടൈബ്രേക്കറിലൂടെ സ്വന്തമാക്കിയാണ് കിരീടത്തില്‍ മുത്തമിട്ടത്. സ്‍കോര്‍: 6-4, 7-6, 7-6. മറെയുടെ കരിയറിലെ മൂന്നാമത്തെ ഗ്രാന്റ്സ്ലാം കിരീടമാണിത്. 1935 ല്‍ ഫ്രെഡ് പെറിക്ക് ശേഷം ഒന്നില്‍കൂടുതല്‍ വിംബിള്‍ഡണ്‍ കിരീടം ചൂടുന്ന ആദ്യ ബ്രിട്ടീഷ് താരമാണ് മറെ. വിംബിള്‍ഡണ്‍ കിരീടം വീണ്ടും ഉയര്‍ത്താനായതില്‍ അഭിമാനമുണ്ടെന്ന് മത്സരശേഷം മറെ പറഞ്ഞു.
Adjust Story Font
16
