കിങ്സ്റ്റണ്‍ ടെസ്റ്റ്: ഇന്ത്യക്കെതിരെ വെസ്റ്റിന്‍ഡീസ് 196 റണ്‍സിന് പുറത്ത്

ഇന്ത്യക്ക് വേണ്ടി ആര്‍ അശ്വിന്‍ 5 വിക്കറ്റെടുത്തു. ഇശാന്ത് ശര്‍മ്മയും മുഹമ്മദ് ഷാമിയും 2 വിക്കറ്റെടുത്തു . മറുപടി ബാറ്റ് ചെയ്യുന്ന ഇന്ത്യ ഒരു വിക്കറ്റ് നഷ്ടത്തില്‍ 126 റണ്‍സെടുത്തിട്ടുണ്ട്.

കിങ്സ്റ്റണ്‍ കിക്കറ്റ് ടെസ്റ്റിന്‍റെ ഒന്നാം ഇന്നിങ്സില്‍ ഇന്ത്യക്കെതിരെ വെസ്റ്റിന്‍ഡീസ് 196 റണ്‍സിന് ഓള്‍ഔട്ടായി. ഇന്ത്യക്ക് വേണ്ടി ആര്‍ അശ്വിന്‍ 5 വിക്കറ്റെടുത്തു. ഇശാന്ത് ശര്‍മ്മയും മുഹമ്മദ് ഷാമിയും 2 വിക്കറ്റെടുത്തു . മറുപടി ബാറ്റ് ചെയ്യുന്ന ഇന്ത്യ ഒരു വിക്കറ്റ് നഷ്ടത്തില്‍ 126 റണ്‍സെടുത്തിട്ടുണ്ട്.

അശ്വിന്‍ വീണ്ടും ചുഴറ്റിയെറിഞ്ഞു കോലി ആഞ്ഞുവീശുകയും കൂടി ചെയ്താല്‍ കിങ്സറ്റണിലും ആന്‍റിഗ്വ ആവര്‍ത്തിച്ചേക്കും. ടോസ് നേടി ആദ്യം ബാറ്റിംഗ് തെരഞ്ഞെടുത്ത വിന്‍ഡീസിനെ അശ്വിന്‍റെ നേതൃത്വത്തില്‍ ഇന്ത്യന്‍ ബൌളര്‍മാര്‍ വരിഞ്ഞിട്ടു.

75 റണ്സുമായി ലോകേഷ് രാഹുലും 18 റണ്‍സുമായി ചേതേശ്വര് പൂജാരയുമാണ് ക്രീസില്‍. 27 റണ്‍സെടുത്ത ശിഖര്‍ ധവാനാണ് പുറത്തായ ഇന്ത്യന്‍ ബാറ്റ്സ്മാന്‍.