റിയോ ഫുട്ബോള്‍: ബ്രസീലിന്റെ പെണ്‍പുലികള്‍ വീണു; സ്വീഡന് ഫൈനലില്‍
റിയോ ഫുട്ബോള്‍: ബ്രസീലിന്റെ പെണ്‍പുലികള്‍ വീണു; സ്വീഡന് ഫൈനലില്‍
ഷൂട്ടൌട്ടിലാണ് വിജയിയെ നിശ്ചയിച്ചത്. നിശ്ചിത സമയത്തും അധിക സമയത്തും ഇരു ടീമുകള്‍ക്കും ഗോളൊന്നും നേടാന്‍ കഴിഞ്ഞില്ല
വനിതാ ഫുട്ബോളില്‍ ബ്രസീലിനെ തോല്‍പ്പിച്ച് സ്വീഡന് ഫൈനലില്‍. ഷൂട്ടൌട്ടിലാണ് വിജയിയെ നിശ്ചയിച്ചത്. നിശ്ചിത സമയത്തും അധിക സമയത്തും ഇരു ടീമുകള്‍ക്കും ഗോളൊന്നും നേടാന്‍ കഴിഞ്ഞില്ല. ഇതേ തുടര്‍ന്ന് മത്സരം ഷൂട്ടൌട്ടിലേക്ക്. ആദ്യ കിക്ക് ബ്രസീലിന്. കിക്കെടുത്തത് വനിതാ ഫുട്ബോളിലെ ഇതിഹാസം മാര്‍ത്ത. മാര്‍ത്തക്ക് പിഴച്ചില്ല. സ്വീഡന്റെ ലോട്ടയുടെ ആദ്യ ശ്രമവും പിഴവുകളൊന്നും കൂടാതെ വലയിലേക്ക്. ബ്രസീലിനായി പിന്നീടെത്തിയത് ക്രിസ്റ്റ്യൈന്‍. കിക്കിന് സ്വീഡന് ഗോളിയുടെ മനോഹര സേവ്. പകരത്തിന് പകരം, സ്വീഡന്റെ കൊസവാരയുടെ ഷോട്ട് ബ്രസീല്‍ ഗോളിയും തടഞ്ഞിട്ടു. രണ്ട് ടീമുകളുടെയും പിന്നീടുള്ള രണ്ട് ശ്രമങ്ങളും ഗോളായി മാറി. ബ്രസീലിന്റെ അഞ്ചാമത്തെ കിക്കാണ് മത്സരഫലം നിര്‍ണയിച്ചത്. ആന്ദ്രേസെയുടെ ഷോട്ട് ലക്ഷ്യത്തിലെത്തിയില്ല. ഒടുവില്‍ ലിസയുടെ വക സ്വീഡന്റെ വിജയഗോള്‍.
Adjust Story Font
16
