ക്ലോഡിയോ ബ്രാവോ ഇനി സിറ്റിയുടെ വല കാക്കും
ക്ലോഡിയോ ബ്രാവോ ഇനി സിറ്റിയുടെ വല കാക്കും
ബാഴ്‌സലോണയുടെ ഗോള്‍ കീപ്പര്‍ ക്ലോഡിയോ ബ്രാവോ ഇംഗ്ലീഷ്‌ പ്രീമിയര്‍ ലീഗ് ക്ലബ് മാഞ്ചസ്റ്റര്‍ സിറ്റിയിലേക്ക്.
ബാഴ്‌സലോണയുടെ ഗോള്‍ കീപ്പര്‍ ക്ലോഡിയോ ബ്രാവോ ഇംഗ്ലീഷ്‌ പ്രീമിയര്‍ ലീഗ് ക്ലബ് മാഞ്ചസ്റ്റര്‍ സിറ്റിയിലേക്ക്. ഏകദേശം 17 മില്യണ്‍ പൌണ്ടിനാണ് ബ്രാവോ സിറ്റിയിലേക്ക് കൂടുമാറുന്നത്. ക്ലോഡിയോ ബ്രാവോ സിറ്റിയിലേക്ക് പോകുന്നതായി ബാഴ്സലോണ അധികൃതര്‍ സ്ഥിരീകരിച്ചിട്ടുണ്ട്. ട്രാന്‍സ്ഫര്‍ പൂര്‍ത്തിയായ ശേഷം ഇക്കാര്യത്തില്‍ ഔദ്യോഗിക സ്ഥിരീകരണം നല്‍കാമെന്ന നിലപാടിലാണ് സിറ്റി മാനേജര്‍ പെപ് ഗ്വാര്‍ഡിയോള. ഇതിനുള്ള നടപടി ക്രമങ്ങള്‍ ഇന്ന് തന്നെ പൂര്‍ത്തിയായേക്കും. ഞായറാഴ്ച പ്രീമിയര്‍ ലീഗില്‍ വെസ്റ്റ്ഹാമിനെതിരായ മത്സരത്തില്‍ സിറ്റി വല കാക്കാന്‍ ബ്രാവോ ഉണ്ടാകുമെന്നാണ് സൂചന. ബാഴ്സ നല്‍കിയിരുന്നതിന്റെ ഇരട്ടി തുകയാണ് സിറ്റി ബ്രാവോക്ക് വാഗ്ദാനം ചെയ്തിരിക്കുന്നത്. ബ്രാവോ സിറ്റിയിലെത്തുന്നതിന് പിന്നാലെ ഒന്നാം നമ്പര്‍ ഗോള്‍ കീപ്പറായ ജോ ഹാര്‍ട്ട്‌ ക്ലബ് വിടുകയാണെന്നു പ്രഖ്യാപിച്ചു. പ്രീമിയര്‍ ലീഗിലെ തന്നെ എവര്‍ടണിലേക്കായിരിക്കും ഹാര്‍ട്ടിന്റെ കൂടുമാറ്റം.
Adjust Story Font
16
