പിണക്കം മറന്ന് മൌറീഞ്ഞോയും ബോബി ചാള്‍ട്ടണും
പിണക്കം മറന്ന് മൌറീഞ്ഞോയും ബോബി ചാള്‍ട്ടണും
കാരിംഗ്ടണ്‍ ട്രെയിംനിംഗ് കോംപ്ലക്സിലെത്തിയ മൌറീഞ്ഞോ ഇതിഹാസ താരം ബോബി ചാള്ട്ടണ്, എക്സിക്യൂട്ടിവ് വൈസ് ചെയര്‍മാന്‍ എഡ് വുഡ്‌വാര്‍ഡ് എന്നിവരെ സന്ദര്‍ശിച്ചു.
മാഞ്ചസ്റ്റര്‍ യുണൈറ്റഡ് പരിശീലകനായി ചുമതയേറ്റ ഹോസെ മൌറീഞ്ഞോ ക്ലബിന്റെ ട്രെയിനിംഗ് ആസ്ഥാനത്തെത്തി. കാരിംഗ്ടണ്‍ ട്രെയിംനിംഗ് കോംപ്ലക്സിലെത്തിയ മൌറീഞ്ഞോ ഇതിഹാസ താരം ബോബി ചാള്ട്ടണ്, എക്സിക്യൂട്ടിവ് വൈസ് ചെയര്‍മാന്‍ എഡ് വുഡ്‌വാര്‍ഡ് എന്നിവരെ സന്ദര്‍ശിച്ചു. ജൂലൈയിലായിരിക്കും മൌറീഞ്ഞോ ഔദ്യോഗികമായി ചുമതലയേറ്റെടുക്കുക.
കാരിംഗ്ടണ്‍ ട്രെയിനിംഗ് ക്യാമ്പിലെത്തിയ മൌറീഞ്ഞോയ്ക്ക് ബോബി ചാര്‍ട്ടണും എ‍ഡ്‌വുഡ്‌വാര്‍ഡും ചേര്‍ന്ന് ഊഷ്മള സ്വീകരണം നല്‍കി. പലപ്പോഴും മൌറീഞ്ഞോയുടെ പരിശീലക രീതികളെ പരസ്യമായി വിമര്‍ശിച്ചിട്ടുള്ള ചാള്ട്ടണ് അതൊന്നും പ്രകടിപ്പിക്കാതെയാണ് മൌറീഞ്ഞോയുമായി ഇടപഴകിയത്. മൌറീഞ്ഞോയെ മാഞ്ചസ്റ്റര്‍ യുണൈറ്റഡില്‍ കണ്ടതില്‍ അതിയായ സന്തോഷമുണ്ടെന്ന് ചാള്ട്ടണ് പറഞ്ഞു.
മുന്‍ ചെല്‍സി പരിശീലകന്‍ ക്ലബിലേക്കെത്തുന്നതില്‍ ചാള്ട്ടണ് എതിര്‍പ്പുണ്ടായിരുന്നതായി നേരത്തെ റിപ്പോര്‍ട്ടുകളുണ്ടായിരുന്നു. ടീമിന്റെ മധ്യനിര താരം മൈക്കല്‍ കാരിക്കുമായുള്ള കരാര്‍ ഒരു വര്‍ഷത്തേക്കു കൂടി ദീര്‍ഘിപ്പിക്കാന്‍ മൌറീന്യോ തീരുമാനിച്ചതായി സൂചനകളുണ്ട്. 2006ല്‍ ക്ലബിലെത്തിയ കാരിക്കിന്‍റെ കരാര്‍ ഈ സീസണോടെ അവസാനിക്കാനിരിക്കെയാണ് മൌറീന്യോയുടെ തീരുമാനം. എന്നാല്‍ ഇത് സംബന്ധിച്ച് ഔദ്യോഗിക പ്രഖ്യാപനങ്ങളുണ്ടായിട്ടില്ല.
Adjust Story Font
16
