പാരാലിമ്പിക്സില്‍ ഇന്ത്യക്ക് വെള്ളി

റിയോ പാരാലിമ്പിക്സില്‍ ഇന്ത്യക്ക് അഭിമാനമായി മറ്റൊരു മെഡല്‍ കൂടി.

റിയോ പാരാലിമ്പിക്സില്‍ ഇന്ത്യക്ക് അഭിമാനമായി മറ്റൊരു മെഡല്‍ കൂടി. വനിതാ വിഭാഗം ഷോട്ട് പുട്ടിലാണ് ഇന്ത്യക്ക് വേണ്ടി ദീപ മാലിക് വെള്ളിയണിഞ്ഞത്. പാരാലിമ്പിക്സില്‍ ഒരു ഇന്ത്യന്‍ വനിതയുടെ ആദ്യ മെഡലാണിത്. ആറു ശ്രമങ്ങളില്‍ 4.61 മീറ്റര്‍ എറിഞ്ഞാണ് ദീപ വെള്ളി സ്വന്തമാക്കിയത്. ഇതോടെ റിയോ പാരാലിമ്പിക്സില്‍ ഇന്ത്യയുടെ മൂന്നാമത്തെ മെഡലാണ് ദീപയിലൂടെ സ്വന്തമായത്. ഈ ഇനത്തില്‍ ബഹ്റൈന്റെ ഫാത്തിമ നദീം സ്വര്‍ണവും ഗ്രീസിന്റെ ദിമിത്ര കരോകിദ വെങ്കലവും നേടി. 4.76 മീറ്റര്‍ എറിഞ്ഞാണ് ഫാത്തിമ സ്വര്‍ണമണിഞ്ഞത്.