സുല്‍ത്താന്‍ അസ്ലന്‍ഷാ ഹോക്കി: ഇന്ത്യക്ക് കനത്ത തോല്‍വി
സുല്‍ത്താന്‍ അസ്ലന്‍ഷാ ഹോക്കി: ഇന്ത്യക്ക് കനത്ത തോല്‍വി
സുല്‍ത്താന്‍ അസ്ലന്‍ഷാ ഹോക്കി ടൂര്‍ണമെന്റില്‍ കരുത്തരായ ആസ്ട്രേലിയക്കെതിരെ ഇന്ത്യക്ക് വന്‍തോല്‍വി.
സുല്‍ത്താന്‍ അസ്ലന്‍ഷാ ഹോക്കി ടൂര്‍ണമെന്റില്‍ കരുത്തരായ ആസ്ട്രേലിയക്കെതിരെ ഇന്ത്യക്ക് വന്‍തോല്‍വി. ഒന്നിനെതിരെ അഞ്ച് ഗോളുകള്‍ക്കാണ് ഇന്ത്യ ഓസീസിനോട് അടിയറവ് പറഞ്ഞത്. കളി തുടങ്ങി അഞ്ചാം മിനിറ്റില്‍ പെനാല്‍റ്റി കോര്‍ണറില്‍ നിന്ന് ഓസീസ് ഗോള്‍വേട്ടക്ക് തുടക്കമിട്ടു. എന്നാല്‍ എട്ടാം മിനിറ്റില്‍ തന്നെ ഇന്ത്യ ഗോള്‍ മടക്കി. ഓസീസിന്റെ വലയില്‍ നടന്ന കൂട്ടപ്പൊരിച്ചിലിനൊടുവില്‍ ഇന്ത്യയുടെ ആശ്വാസഗോള്‍ പിറന്നു. ആദ്യ ക്വാര്‍ട്ടര്‍ അവസാനിക്കുമ്പോഴേക്കും ഓസീസിന്റെ രണ്ടാം ഗോള്‍ പിറന്നിരുന്നു. 20 ാം മിനിറ്റില്‍ എഡ്‍വേര്‍ഡ് ഓക്നെഡന്‍ മണിക്കൂറില്‍ 108 കിലോമീറ്റര്‍ വേഗത്തില്‍ തൊടുത്ത പന്ത് ഇന്ത്യന്‍ വല തുളച്ചതോടെ ഓസീസിന്റെ ലീഡ് മൂന്നായി. 26 ാം മിനിറ്റിലും അവസാന ക്വാര്‍ട്ടറിലും ഇന്ത്യന്‍ വല ചലിച്ചതോടെ ഓസീസിന്റെ സ്‍കോര്‍പട്ടിക അഞ്ച് തികഞ്ഞു. നേരത്തെ ആദ്യ മത്സരത്തില്‍ ജപ്പാനെ കീഴടക്കിയാണ് ഇന്ത്യ ടൂര്‍ണമെന്റില്‍ കുതിപ്പ് തുടങ്ങിയത്.
Adjust Story Font
16
