ആരാധകരെ ആവേശ കൊടുമുടിയിലെത്തിച്ച് ഐസ്ലന്ഡ് കമന്റേറ്റര്‍
ആരാധകരെ ആവേശ കൊടുമുടിയിലെത്തിച്ച് ഐസ്ലന്ഡ് കമന്റേറ്റര്‍
ഓസ്ട്രിയക്കെതിരായ ഐസ്‌ലന്‍ഡിന്റെ ഇഞ്ച്വറി സമയത്തെ വിജയമായിരുന്നു ഗുഡ്‍മുണ്ടൂര്‍ ബെനഡിക്റ്റ്സണെ ആദ്യം ശ്രദ്ധേയമാക്കിയത്.
ഐസ്‌ലന്‍ഡില്‍ നിന്നുള്ള താരങ്ങളും പരിശീലകനും മാത്രമല്ല. മറ്റൊരാള്‍ കൂടി ഈ യൂറോയില്‍ താരമാണ്. കമേന്റേറ്റര്‍ ഗുഡ്‍മുണ്ടൂര്‍ ബെനഡിക്റ്റ്സണ്‍. ഐസ്ലന്ഡ് ജയിക്കുമ്പോള്‍ ആവേശം നിറഞ്ഞ വിവരണമാണ് ഗുഡ്മുണ്ടൂരിനെ ഹിറ്റാക്കുന്നത്. ഓസ്ട്രിയക്കെതിരായ ഐസ്‌ലന്‍ഡിന്റെ ഇഞ്ച്വറി സമയത്തെ വിജയമായിരുന്നു ഗുഡ്‍മുണ്ടൂര്‍ ബെനഡിക്റ്റ്സണെ ആദ്യം ശ്രദ്ധേയമാക്കിയത്. ഐസ്‌ലന്‍ഡിന്റെ ഈ ചരിത്ര ജയം ഗുഡ്‍മുണ്ടൂരിന് ഇരിക്കപ്പൊറുതി നല്‍കിയില്ല. ഐസ്ലന്ഡ് അവിടം കൊണ്ടും നിര്‍ത്തിയില്ല, ബെന‍ഡിക്റ്റസണും.
ഇംഗ്ലണ്ടിനെതിരായ ജയം ബെനഡിക്റ്റ്സന്റെ ആഘോഷത്തിന് ആവേശം കൂടി. ഗുഡ്‍മുണ്ടൂരിന്റെ ആവേശം കണ്ട് മറ്റ് രാജ്യങ്ങളിലെ കമേന്ററ്റര്‍മാര്‍ അവരുടെ പണി മറന്നു. എല്ലാവരുടെയും ശ്രദ്ധ ഈ ഐസ്‌ലന്‍ഡുകാരനിലായി, ചിലര്‍ ദൃശ്യങ്ങള്‍ പകര്‍ത്തി. ഐസ്ലന്ഡ് ക്വാര്‍ട്ടറില്‍ ഇറങ്ങുമ്പോള്‍ മൈതാനത്തിനൊപ്പം ആരാധകരുടെ കണ്ണ് കമന്ററി ബോക്സിലേക്കും ഉണ്ടാകും.
Adjust Story Font
16
