കൊച്ചിയില്‍ കൊമ്പന്‍മാരുടെ പടയോട്ടം
കൊച്ചിയില്‍ കൊമ്പന്‍മാരുടെ പടയോട്ടം
കരുത്തരായ മുംബൈ സിറ്റിയെ എതിരില്ലാത്ത ഒരു ഗോളിന് തകര്‍ത്താണ് കൊമ്പന്‍മാര്‍ വിജയകാഹളം മുഴക്കിയത്.
ഇന്ത്യന്‍ സൂപ്പര്‍ ലീഗില്‍ സീസണിലെ ആദ്യ ജയം സ്വന്തമാക്കി കേരള ബ്ലാസ്റ്റേഴ്സ്. കരുത്തരായ മുംബൈ സിറ്റിയെ എതിരില്ലാത്ത ഒരു ഗോളിന് തകര്‍ത്താണ് കൊമ്പന്‍മാര്‍ വിജയകാഹളം മുഴക്കിയത്. മൈക്കിള്‍ ചോപ്രയുടെ സൂപ്പര്‍ ഗോളാണ് ബ്ലാസ്റ്റേഴ്‍സിനെ വിജയത്തിലേക്ക് നയിച്ചത്. ഗോള്‍രഹിതമായ ആദ്യ പകുതിക്ക് ശേഷം 58 ാം മിനിറ്റിലായിരുന്നു ചോപ്രയുടെ മിന്നുംഗോള്‍ പിറന്നത്. ബോക്സിനു തൊട്ടടുത്തു നിന്ന് ബെല്‍ഫോട്ട് നല്‍കിയ തകര്‍പ്പന്‍ പാസ് മുംബൈയുടെ ഗോളിയെ കബളിപ്പിച്ച് ചോപ്ര വലക്കുള്ളിലേക്ക് സാവധാനം തൊടുക്കുകയായിരുന്നു. തുടര്‍ച്ചയായ രണ്ട് പരാജയത്തിനൊടുവില്‍ ഡല്‍ഹിയുമായി നേടിയ സമനിലയില്‍ നിന്നു ഉയര്‍ത്തെഴുന്നേറ്റ ബ്ലാസ്റ്റേഴ്സ് സ്വന്തം തട്ടകത്തില്‍ വിശ്വരൂപം പുറത്തെടുക്കുകയായിരുന്നു. സീസണില്‍ ഒറ്റഗോളുപോലും സ്‌കോര്‍ ചെയ്യാത്ത ഏക ടീം എന്ന ചീത്തപ്പേരും ബ്ലാസ്റ്റേഴ്സ് ചോപ്രയിലൂടെ അകറ്റി. കളി അവസാന മിനിറ്റുകളിലേക്ക് നീങ്ങിയതോടെ ബ്ലാസ്റ്റേഴ്സ് താരങ്ങളെ ശാരീരികമായി പ്രതിരോധിക്കുന്നതിലേക്ക് മുംബൈ താരങ്ങള്‍ തന്ത്രങ്ങള്‍ മാറ്റിയതോടെ റഫറിക്ക് കളി നിയന്ത്രിക്കാന്‍ നന്നേ പാടുപെടേണ്ടിവന്നു.
Adjust Story Font
16
