സെവാഗ് മാത്രമല്ല, ധോണിയെ പിന്തുണച്ച് ഷെയിന്‍ വോണും
സെവാഗ് മാത്രമല്ല, ധോണിയെ പിന്തുണച്ച് ഷെയിന്‍ വോണും
ഐ.പി.എല്ലിലെ മോശം ഫോമിന്റെ പേരില്‍ മഹേന്ദ്ര സിങ് ധോണിക്കെതിരായ വിമര്‍ശനം പല ഭാഗത്ത് നിന്നും വരുന്നതിനിടെയാണ് ധോണിയെ വോണ്‍ പിന്തുണക്കുന്നത്
ഐ.പി.എല്ലിലെ മോശം ഫോമിന്റെ പേരില്‍ മഹേന്ദ്ര സിങ് ധോണിക്കെതിരായ വിമര്‍ശനം പല ഭാഗത്ത് നിന്നും വരുന്നതിനിടെ പിന്തുണയുമായി ആസ്‌ട്രേലിയന്‍ സ്പിന്‍ ഇതിഹാസം ഷെയിന്‍വോണ്‍ രംഗത്ത്. ആരുടെ മുന്നിലും ഒന്നും തെളിയിക്കേണ്ട ആവശ്യം ധോണിക്കില്ല, മൂന്ന് ഫോര്‍മാറ്റിലും അല്‍ഭുതപ്പെടുത്തിയ കളിക്കാരനാണ് ധോണി, വലിയ നായകനാണെന്നും പ്രചോദിപ്പിക്കുന്ന കളിക്കാരനാണദ്ദേഹമെന്നും വോണ്‍ ട്വിറ്ററില്‍ കുറിച്ചു.
പൂനെയുടെ നായകസ്ഥാനത്ത് നിന്ന് ധോണിയെ ഒഴിവാക്കിയിരുന്നു. പകരം ആസ്‌ട്രേലിയക്കാരന്‍ സ്റ്റീവന്‍ സ്മിത്താണ് പൂനെയെ നയിക്കുന്നത്. നേരത്തെ സെവാഗും ധോണിക്ക് പിന്തുണയുമായി രംഗത്തെത്തിയിരുന്നു. ഒന്നോ രണ്ടോ കളികൊണ്ട് ധോണിയെ വിലയിരുത്തരുതെന്നായിരുന്നു സെവാഗ് വ്യക്തമാക്കിയിരുന്നത്.
ഐ.പി.എല്ലില്‍ ധോണിക്ക് ഇതുവരെ തിളങ്ങാനായിരുന്നില്ല. ബാംഗ്ലൂരിനെതിരായ കഴിഞ്ഞ മത്സരത്തില്‍ തകര്‍പ്പന്‍ സിക്‌സറുമായും മിന്നല്‍ സ്റ്റമ്പിങ്ങുമായും ധോണി കാണികളെ കയ്യിലെടുത്തിരുന്നു.
Adjust Story Font
16
