കേരള പ്രീമിയര്‍ ലീഗില്‍ സെന്‍ട്രല്‍ എക്സൈസിന് ജയം
കേരള പ്രീമിയര്‍ ലീഗില്‍ സെന്‍ട്രല്‍ എക്സൈസിന് ജയം
രണ്ടിനെതിരെ മൂന്ന് ഗോളുകള്‍ക്കാണ് സെന്‍ട്രല്‍ എക്സൈസ് എസ്ബിഐയെ പരാജയപ്പെടുത്തിയത്.
കേരള പ്രീമിയര്‍ ലീഗില്‍ സെന്‍ട്രല്‍ എക്സൈസിന് ജയം. രണ്ടിനെതിരെ മൂന്ന് ഗോളുകള്‍ക്കാണ് സെന്‍ട്രല്‍ എക്സൈസ് എസ്ബിഐയെ പരാജയപ്പെടുത്തിയത്.
ഹോം ഗ്രൌണ്ടില്‍ കളി ജയിക്കണമെന്ന വാശിയോടെയാണ് സെന്‍ട്രല്‍ എക്സൈസിന്റെ മഞ്ഞക്കുപ്പായക്കാര്‍ കളത്തിലിറങ്ങിയത് തന്നെ.പത്താം മിനിറ്റില്‍ എസ്ബിഐയുടെ ആദ്യ പ്രഹരം. സുജിത്ത് പൊലോസ് ആദ്യ ഗോള്‍ നേടി. മറുപടിയായി ആദ്യ പകുതിയില്‍ തന്നെ സെന്‍ട്രല്‍ എക്സൈസ് തിരിച്ചടിച്ചു. ഇതിനിടയില്‍ ഗോള്‍ തടുക്കുന്നതിനിടെ എസ്ബിഐയുടെ കാവല്‍ക്കാരന്‍ ജീന്‍ ക്രിസ്റ്റ്യന് ഗുരുതര പരിക്ക്.
രണ്ടാം പകുതിയില്‍ പ്രസൂണ്‍ ആര്‍ എസ്ബിഐക്ക് വേണ്ടി രണ്ടാം ഗോള്‍ നേടി. മികച്ച ഗോള്‍കീപ്പറെ നഷ്ടമായതോടെ എസ്ബിഐ മാനസികമായി തളര്‍ന്നു. ഇതു മുതലെടുത്തായിരുന്നു മഞ്ഞക്കുപ്പായക്കാരുടെ പിന്നീടുള്ള നീക്കങ്ങള്‍. 32 ആം മിനിറ്റില്‍ അഷ്കര്‍ വിഎസ് ഗോള്‍ വല കുലുക്കി...നാല്‍പ്പത്തിയേഴാം മിനിറ്റില്‍ മുഹമ്മദ് റാഫിയിലൂടെയാണ് സെന്‍ട്രല്‍ എക്സൈസ് വിജയഗോള്‍ നേടിയത്.
Adjust Story Font
16
