സാക്ഷി മാലിക് വിവാഹിതയാകുന്നു
സാക്ഷി മാലിക് വിവാഹിതയാകുന്നു
ബംഗാളി പത്രമായ ആനന്ദബസാര്‍ പത്രികയാണ് വാര്‍ത്ത റിപ്പോര്‍ട്ട് ചെയ്തത്.
റിയോ ഒളിമ്പിക്സില്‍ ഇന്ത്യയുടെ അഭിമാനമായി മാറി ഗുസ്തി താരം സാക്ഷി മാലിക് വിവാഹിതയാകുന്നു. സഹപ്രവര്‍ത്തകനായ ഒരു ഗുസ്തിക്കാരനാണ് വരനെന്നാണ് റിപ്പോര്‍ട്ട്. ബംഗാളി പത്രമായ ആനന്ദബസാര്‍ പത്രികയാണ് വാര്‍ത്ത റിപ്പോര്‍ട്ട് ചെയ്തത്. പത്രത്തിന് നല്‍കിയ അഭിമുഖത്തിലാണ് സാക്ഷി തന്റെ വിവാഹക്കാര്യത്തെക്കുറിച്ച വ്യക്തമാക്കിയത്. എന്നാല്‍ വരന്റെ പേര് പറയാന്‍ സാക്ഷി തയ്യാറായില്ല. എന്നാല്‍ വിവാഹം ടോക്കിയോ ഒളിമ്പിക്സിന് ഒരു തടസമാതില്ലെന്ന് സാക്ഷി പറഞ്ഞു.
അദ്ദേഹം എന്നെ നന്നായി പിന്തുണയ്ക്കുന്ന ആളാണ്, എന്റെ സ്വപ്നങ്ങള്‍ അദ്ദേഹത്തിന്റെയും സ്വപ്നമാണെന്ന് കരുതുന്ന ആള്‍. വിവാഹത്തോടും കൂടി എനിക്കൊരു നല്ല കൂട്ടുകാരനെക്കൂടി ലഭിക്കും സാക്ഷി പറഞ്ഞു. ഒളിമ്പിക്സില്‍ പങ്കെടുത്ത ശേഷം കഴിഞ്ഞ ആഴ്ചയാണ് സാക്ഷി ഹരിയാനയിലെ വീട്ടിലെത്തിയത്. അന്നു മുതല്‍ സ്വീകരണങ്ങളുടെ ബഹളമാണ്. റിയോ ഒളിമ്പിക്സില്‍ 58 കിലോ വിഭാഗത്തിലാണ് സാക്ഷി വെങ്കലം നേടിയത്.
Adjust Story Font
16
