ചാമ്പ്യന്‍സ് ലീഗ് സെമിയില്‍ റയലിന് സമനിലക്കുരുക്ക്
ചാമ്പ്യന്‍സ് ലീഗ് സെമിയില്‍ റയലിന് സമനിലക്കുരുക്ക്
സിറ്റി ഗോള്‍കീപ്പര്‍ ജോ ഹാര്‍ട്ടിന്റെ പ്രകടനമാണ് റയലിന് തിരിച്ചടിയായത്
ചാമ്പ്യന്‍സ് ലീഗ് ആദ്യപാദ സെമിയില്‍ റയല്‍ മാഡ്രിഡിന് സമനില. മാഞ്ചസ്റ്റര്‍ സിറ്റിയാണ് റയലിനെ ഗോള്‍രഹിത സമനിലയില്‍ തളച്ചത്. സിറ്റി ഗോള്‍കീപ്പര്‍ ജോ ഹാര്‍ട്ടിന്റെ പ്രകടനമാണ് റയലിന് തിരിച്ചടിയായത്.
ചാമ്പ്യന്‍സ് ലീഗ് ചരിത്രത്തില്‍ 27-ാം സെമി കളിക്കാനിറങ്ങിയ റയലിന് ആതിഥേയര്‍ക്ക് മുന്നില്‍ പ്രതാപം കാണിക്കാനായില്ല. ആദ്യമായി സെമിയില്‍ ഇടം നേടിയെങ്കിലും റയലിന് മുന്നില്‍ കാര്യമായൊന്നും ചെയ്യാന്‍ സിറ്റിക്കുമായില്ല. എത്തിഹാദ് മൈതാനത്ത് നിരവധി ഗോള്‍ അവസരങ്ങള്‍ കണ്ടെങ്കിലും ഗോളൊന്നും പിറന്നില്ല.
സൂപ്പര്‍ താരം ക്രിസ്റ്റ്യാനോ റൊണാള്‍ഡോ ഇല്ലാതെയാണ് റയല്‍ മാഡ്രിഡ് കളത്തിലിറങ്ങിയത്. മികച്ച ഫോമിലായിരുന്ന കരീം ബെന്‍സമയും ഗാരത് ബെയ്‌ലും ഗോളടിക്കാനും മറന്നു. തുടര്‍ച്ചയായ അഞ്ച് വിജയങ്ങളുമായി സിറ്റിയെ നേരിടാന്‍ എത്തിയ സിദാന്റെ ടീമിന് തിരിച്ചടിയായത് സിറ്റി ഗോളി ജോ ഹാര്‍ട്ടിന്റെ പ്രകടനമായിരുന്നു. ഗോളെന്നുറച്ച പല അവ സരങ്ങളും ഹാര്‍ട്ട് തട്ടിയകറ്റി. ചില മുന്നേറ്റങ്ങള്‍ റയലിന്റെ ഭാഗത്ത് നിന്നുണ്ടായെങ്കിലുംസിറ്റിയുടെ പ്രകടനം പിന്നോട്ടായിരുന്നു. മികച്ച ഫോമിലുള്ള സെര്‍ജ്യോ അഗ്യൂറോക്കും കൂട്ടര്‍ക്കും സ്വന്തം കാണികള്‍ക്ക് മുന്നില്‍ ഒരു വിജയം നേടാനുള്ള അവസരമാണ് നഷ്ടപ്പെട്ടത്.
Adjust Story Font
16
