രണ്ടാം ടെസ്റ്റിലും കംഗാരു വധത്തോടെ ടെസ്റ്റ് പരമ്പര ശ്രീലങ്കക്ക്

കേവലം 183 റണ്‍സിന് അവരുടെ പോരാട്ടം അവസാനിച്ചു. രണ്ട് ഇന്നിങ്സുകളിലുമായി 84 ഓവര്‍ മാത്രമാണ് ലങ്കയുടെ സ്പിന്‍ ....

ടെസ്റ്റ് റാങ്കിംഗില്‍ ലോക ഒന്നാം നമ്പര്‍ സ്ഥാനത്തുള്ള ആസ്ത്രേലിയയെ രണ്ടാം ടെസ്റ്റിലും ശ്രീലങ്ക മലര്‍ത്തിയടിച്ചു. രണ്ട് ദിവസം അവശേഷിക്കെ 229 റണ്‍സിനാണ് ലങ്കന്‍ ജയം. ഇതോടെ മൂന്നു മത്സരങ്ങളുള്ള ടെസ്റ്റ് പരമ്പരയും ലങ്ക സ്വന്തമാക്കി. വോണ്‍ - മുരളീധരന്‍ ട്രോഫി നിലവില്‍ വന്ന ശേഷം ഇതാദ്യമായാണ് ലങ്ക ഇതിന് അര്‍ഹരാകുന്നത്, ഏഷ്യന്‍ മണ്ണില്‍ ഓസീസിന്‍റെ തുടര്‍ച്ചയായ എട്ടാം ടെസ്റ്റ് പരാജയമാണിത്. മൂന്ന് വിക്കറ്റ് നഷ്ടത്തില്‍ 35 റണ്‍സ് എന്ന നിലയില്‍ മൂന്നാം ദിനം ബാറ്റിംഗ് പുനഃരാരംഭിച്ച ഓസീസിന് സിഹംള വീര്യത്തിനു മുന്നില്‍ പിടിച്ചു നില്‍ക്കാനായില്ല. കേവലം 183 റണ്‍സിന് അവരുടെ പോരാട്ടം അവസാനിച്ചു. രണ്ട് ഇന്നിങ്സുകളിലുമായി 84 ഓവര്‍ മാത്രമാണ് ലങ്കയുടെ സ്പിന്‍ വലക്കു മുന്നില്‍ ലോക ഒന്നാം നമ്പര്‍കാര്‍ക്ക് പിടിച്ചു നില്‍ക്കാനായത്. ആറ് വിക്കറ്റുകളെടുത്ത ദില്‍റുവാന്‍ പെരേരയാണ് രണ്ടാം ഇന്നിങ്സില്‍ കംഗാരുക്കളുടെ നടുവൊടിച്ചത്.