വിരാട് കൊഹ്‍ലി ഭയപ്പെടുന്ന ബൗളര്‍...
വിരാട് കൊഹ്‍ലി ഭയപ്പെടുന്ന ബൗളര്‍...
ക്രിക്കറ്റില്‍ ഈ തലമുറയിലെ ഏറ്റവും മികച്ച ബാറ്റ്സ്‍മാനാണ് വിരാട് കൊഹ്‍ലി. ഏതൊരു ബൗളറുടെയും ആത്മവീര്യം കെടുത്താന്‍ തക്ക പ്രതിഭയുള്ള താരം.
ക്രിക്കറ്റില്‍ ഈ തലമുറയിലെ ഏറ്റവും മികച്ച ബാറ്റ്സ്‍മാനാണ് വിരാട് കൊഹ്‍ലി. ഏതൊരു ബൗളറുടെയും ആത്മവീര്യം കെടുത്താന്‍ തക്ക പ്രതിഭയുള്ള താരം. ഇന്ത്യയുടെ റണ്‍ മിഷീനാണ് ഈ ഡല്‍ഹിക്കാരന്‍. പക്ഷേ കൊഹ്‍ലിയും ഭയപ്പെടുന്ന ഒരു ബൗളറുണ്ട്. അതാരാണെന്ന് കഴിഞ്ഞദിവസം കൊഹ്‍ലി വെളിപ്പെടുത്തി. സ്വിങ് ബോളുകളുടെ രാജാവായിരുന്ന മുന്‍ പാക് താരം വസിം അക്രമാണ് കൊഹ്‍ലി പേടിക്കുന്ന ബൗളര്‍. അക്രമിനെതിരെ കളിക്കേണ്ടി വന്നിരുന്നെങ്കില്‍ അതൊരു വലിയ വെല്ലുവിളിയാകുമായിരുന്നുവെന്ന് കൊഹ്‍ലി പറയുന്നു. ഒരു ദേശീയ ചാനലിന് നല്‍കിയ അഭിമുഖത്തിലാണ് കൊഹ്‍ലിയുടെ പരാമര്‍ശം. ലോകത്തിലെ തന്നെ ഏറ്റവും മികച്ച ബാറ്റ്സ്‍മാനാണ് കൊഹ്‍ലിയെന്ന് നേരത്തെ അക്രം നിരീക്ഷിച്ചിരുന്നു. എങ്ങനെ റണ്‍സ് നേടാമെന്ന് കൃത്യമായ ബോധ്യം കൊഹ്‍ലിക്കുണ്ട്. ക്രിക്കറ്റിന്റെ മൂന്നു ഫോര്‍മാറ്റിലും കൊഹ്‍ലിയുടെ ആധിപത്യം വ്യക്തമാണ്. കൊഹ്‍ലിക്കെതിരെ പന്തെറിയുക എന്നതാണ് ഏതൊരു ബൗളറുടെയും വെല്ലുവിളി. കൊഹ്‍ലിക്കെതിരെ പന്തെറിയേണ്ടി വന്നിരുന്നെങ്കില്‍ അത് തനിക്ക് ദുഷ്കരമാകുമായിരുന്നുവെന്നും അക്രം പറഞ്ഞിരുന്നു. പാകിസ്താനെതിരെ ബാറ്റ് ചെയ്യുമ്പോഴുണ്ടാകുന്ന സമ്മര്‍ദത്തെക്കുറിച്ച് ചോദിച്ചപ്പോള്‍, തുടക്കത്തില്‍ കുറച്ച് വെല്ലുവിളിയായിരുന്നുവെന്നും ഇപ്പോള്‍ അങ്ങനെയില്ലെന്നും കൊഹ്‍ലി പറഞ്ഞു.
Adjust Story Font
16
