ഗാംഗുലിയുടെ സ്വപ്ന ടീമില്‍ ധോണിക്കിടമില്ല

ട്വിറ്ററിലാണ് ഗാംഗുലി തന്റെ സ്വപ്ന ടീമിനെ പ്രഖ്യാപിച്ചത്.

മഹേന്ദ്ര സിങ് ധോണിയില്ലാതെ സൌരവ് ഗാംഗുലിയുടെ ഐപിഎല്‍ സ്വപ്ന ടീം. ട്വിറ്ററിലാണ് ഗാംഗുലി തന്റെ സ്വപ്ന ടീമിനെ പ്രഖ്യാപിച്ചത്. തന്റെ ടീമായ കൊല്‍ക്കത്ത നൈറ്റ് റൈഡേഴ്സ് താരങ്ങളാണ് ഡ്രീം ടീമില്‍ കൂടുതലായും ഇടംപിടിച്ചത്.

വിരാട് കൊഹ്‍ലിയും ഗൌതം ഗംഭീറുമാണ് ഓപ്പണര്‍മാര്‍. പൂനെ നായകന്‍ സ്റ്റീവ് സ്മിത്ത് മൂന്നാമതും എബി ഡിവില്ലിയേഴ്സ് നാലാമനായും ഇറങ്ങുന്നു. ഐപിഎല്ലിലെ ഭാവിവാഗ്ദാനമായ മുംബൈ താരം നിതീഷ് റാണ, ഡല്‍ഹി താരം റിഷഭ് പന്ത് കൊല്‍ക്കത്ത താരം മനീഷ് പാണ്ടെ തുടങ്ങിയവരും ടീമിലുണ്ട്. സുനില്‍ നരെയെനും അമിത് മിശ്രയുമാണ് ടീമിലെ സ്പിന്നര്‍മാര്‍. ഭുവനേശ്വര്‍ കുമാര്‍, ക്രിസ് മോറിസ് എന്നവരാണ് ഗാംഗുലി ഡ്രീം ടീമിലെ പേസ് ബൗളര്‍മാര്‍. ധോണി നല്ല ടി 20 ബാറ്റ്‌സ്മാന്‍ അണെന്ന് ഉറപ്പില്ലെന്ന ഗാംഗുലിയുടെ പരാമര്‍ശം നേരത്തെ വിവാദമായിരുന്നു.