സണ്‍റൈസേഴ്സ് ഹൈദരാബാദും കൊല്‍ക്കത്ത നൈറ്റ് റൈഡേഴ്സും പ്ലേ ഓഫില്‍
സണ്‍റൈസേഴ്സ് ഹൈദരാബാദും കൊല്‍ക്കത്ത നൈറ്റ് റൈഡേഴ്സും പ്ലേ ഓഫില്‍
ഗുജറാത്ത് ലയണ്‍സിനെ എട്ട് വിക്കറ്റിനാണ് ഹൈദരാബാദ് തോല്‍പിച്ചത്. മുംബൈ ഇന്ത്യന്‍സിനോട് തോറ്റെങ്കിലും മികച്ച പോയിന്‍റിന്റെ അടിസ്ഥാനത്തിലാണ് കൊല്‍ക്കത്ത നൈറ്റ്റൈഡേഴ്സ് പ്ലേ ഓഫിലേക്കെത്തിയത്...
ഐ പി എല്ലില്‍ സണ്‍റൈസേഴ്സ് ഹൈദരാബാദും കൊല്‍ക്കത്ത നൈറ്റ് റൈഡേഴ്സും പ്ലേ ഓഫില്‍ കടന്നു. ഇന്നലെ നടന്ന ആദ്യ മത്സരത്തില്‍ ഗുജറാത്ത് ലയണ്‍സിനെ എട്ട് വിക്കറ്റിന് തോല്‍പ്പിച്ചാണ് ഹൈദരാബാദിന്‍റെ പ്ലേ ഓഫ് പ്രവേശം. ആദ്യം ബാറ്റ് ചെയ്ത ഗുജറാത്ത് 154 റണ്‍സ് നേടിയപ്പോള്‍ വെറും 2 വിക്കറ്റ് നഷ്ടത്തില്‍ ഹൈദരാബാദ് ലക്ഷ്യം മറികടന്നു.
ക്യാപ്റ്റന്‍ ഡേവിഡ് വാര്‍ണറുടെ മികച്ച ബാറ്റിംഗാണ് ഹൈദരാബാദിന് ജയം സമ്മാനിച്ചത്. രണ്ടാം മത്സരത്തില്‍ മുംബൈ ഇന്ത്യന്‍സിനോട് തോറ്റെങ്കിലും മികച്ച പോയിന്‍റിന്റെ അടിസ്ഥാനത്തില്‍ കൊല്‍ക്കത്ത നൈറ്റ്റൈഡേഴ്സും പ്ലേ ഓഫില്‍ കടന്നു. ആവേശകരമായ മത്സരത്തില്‍ 9 റണ്‍സിനാണ് കൊല്‍ക്കത്ത തോറ്റത്. മുംബൈ ഇന്ത്യന്‍സ് നേരത്തെ തന്നെ പ്ലേ ഓഫില്‍ കടന്നിരുന്നു. ഇന്ന് നടക്കുന്ന പഞ്ചാബ്-പുണെ മത്സരത്തിലെ വിജയി പ്ലേ ഓഫിലെത്തുന്ന നാലാമത്തെ ടീമാകും.
Adjust Story Font
16
