ഇന്ത്യക്ക് അനായാസ ജയം; പരമ്പര തൂത്തുവാരി

ടോസ് നേടി ആദ്യം ബാറ്റ് ചെയ്ത ആതിഥേയരുടെ ഇന്നിങ്സ് കേവലം 123 റണ്‍സിന് അവസാനിച്ചു. നാല് വിക്കറ്റുകളെടുത്ത ബൂറയാണ് .....

സിംബാബ്‍വേക്കെതിരായ ഏകദിന പരമ്പര ഇന്ത്യ തൂത്തുവാരി. മൂന്നാമത്തെയും അവസാനത്തെയും മത്സരത്തില്‍ ആധികാരികമായ ജയത്തോടെയാണ് ധോണിക്ക് കീഴില്‍ അണിനിരന്ന ഇന്ത്യയുടെ രണ്ടാം നിര സിംബാബ്‍വേ വധം പൂര്‍ത്തിയാക്കിയത്. 123 റണ്‍ വിജയലക്ഷ്യം പിന്നിടിറങ്ങിയ ടീം ഇന്ത്യ കേവലം 21.5 ഓവറില്‍ ലക്ഷ്യം മറികടന്നു. കന്നി മത്സരത്തിനായി പാഡണിഞ്ഞ ഫൈസ് ഫൈസല്‍ 55 റണ്‍സുമായും ലോകേഷ് രാഹുല്‍ 63 റണ്‍സുമായും അജയ്യരായി നിലകൊണ്ടു, നാല് വിക്കറ്റുകളുമായി സിംബാബ്‍വേയുടെ അന്തകനായി മാറിയ പേസര്‍ ബൂംറയാണ് കളിയിലെ കേമന്‍. മൂന്ന് മത്സരങ്ങളില്‍ നിന്നും 196 റണ്‍ നേടിയ രാഹുലാണ് പരമ്പരയിലെ കേമന്‍.

നേരത്തെ ടോസ് നേടി ആദ്യം ബാറ്റ് ചെയ്ത ആതിഥേയരുടെ ഇന്നിങ്സ് കേവലം 123 റണ്‍സിന് അവസാനിച്ചു. നാല് വിക്കറ്റുകളെടുത്ത ബൂറയാണ് സിംബാബ്‍വേയുടെ നടുവൊടിച്ചത്. 38 റണ്‍സെടുത്ത സിബന്തയാണ് സിംബാബ്‍വേയുടെ ടോപ് സ്കോറര്‍.

ആദ്യ രണ്ട് ഏകദിനങ്ങളെ അപേക്ഷിച്ച് താരതമ്യേന നല്ല സ്കോറിലേക്ക് നീങ്ങിയേക്കുമെന്ന സൂചന ചെറിയൊരു സമയത്ത് സൃഷ്ടിക്കാന്‍ കഴിഞ്ഞതൊഴിച്ചാല്‍ ദയനീയമായിരുന്നു സിംബാബ്‍വേ ബാറ്റ്സ്മാന്‍മാരുടെ പ്രകടനം.