ഐ.പി.എല്ലില്‍ പൂനൈ ജേതാക്കളാകുമെന്ന് അസ്ഹറുദ്ദീന്‍
ഐ.പി.എല്ലില്‍ പൂനൈ ജേതാക്കളാകുമെന്ന് അസ്ഹറുദ്ദീന്‍
മുംബൈ ഇന്ത്യന്‍സ് റൈസിങ് പൂണെ സൂപ്പര്‍ ജയന്റ്‌സ് ഫൈനല്‍ നടക്കാനിരിക്കെയാണ് അസ്ഹറുദ്ദീന്റെ അഭിപ്രായ പ്രകടനം
ഐ.പി.എല്‍ പത്താം സീസണില്‍ റൈസിങ് പൂണെ സൂപ്പര്‍ ജയന്റ്‌സ് ജേതാക്കളാകുമെന്ന് മുന്‍ ഇന്ത്യന്‍ നായകന്‍ മൊഹമ്മദ് അസ്ഹറുദ്ദീന്‍. മുംബൈ ഇന്ത്യന്‍സ് റൈസിങ് പൂണെ സൂപ്പര്‍ ജയന്റ്‌സ് ഫൈനല്‍ നടക്കാനിരിക്കെയാണ് അസ്ഹറുദ്ദീന്റെ അഭിപ്രായ പ്രകടനം. പ്ലേ ഓഫില്‍ മുംബൈയ്‌ക്കെതിരെ നേടിയ വിജയം പൂണയ്ക്ക് വലിയ ആത്മവിശ്വാസം നല്‍കും. ബെന്‍ സ്‌റ്റോക്കിന്റെ അഭാവമുണ്ടാകുമെങ്കിലും അവസാന രണ്ട് ഓവറുകളില്‍ 40 റണ്‍സ് നേടിയ ധോണിയ്ക്ക് പൂണെയെ ജേതാക്കളാക്കാന്‍ സാധിക്കുമെന്നും അസ്ഹറുദ്ദീന്‍ കൂട്ടിച്ചേര്‍ത്തു.
ധോണിയെ നീക്കാനുള്ള തീരുമാനം അപമാനകരവും മൂന്നാംകിടയാണെന്നും അസ്ഹറുദ്ദീന്‍ പറഞ്ഞു. തന്റെ 8-9 വര്‍ഷത്തെ ക്യാപ്റ്റന്‍സിക്കിടയില്‍ ഏതാണ്ടെല്ലാം തന്നെ ധോണി നേടിയതാണ്. തങ്ങളുടെ പണം കൊണ്ടാണ് ടീം മുമ്പോട്ട് പോകുന്നതെന്ന് ഉടമസ്ഥര്‍ക്ക് പറയാനാകുമായിരിക്കും. പക്ഷെ നായകസ്ഥാനത്ത് നിന്ന് ഒഴിവാക്കുമ്പോള്‍ ധോണിയുടെ വിശ്വാസ്യതയും നിലയും നോക്കേണ്ടതായിരുന്നു. മുന്‍ ക്രിക്കറ്ററെന്ന നിലയില്‍ തനിക്ക് ദേഷ്യവും സങ്കടവും തോന്നിയെന്നും അസ്ഹറുദ്ദീന്‍ പറഞ്ഞു.
Adjust Story Font
16
