ചാമ്പ്യന്‍സ് ലീഗ്; സിറ്റിയെ അട്ടിമറിച്ച് ലെപ്സിഗ്
ആറില്‍ ആറും ജയിച്ച് ലിവർപൂള്‍ ഗ്രൂപ്പ് ഘട്ടം കടന്നപ്പോള്‍ മരണ പോരില്‍ നിന്നാണ് അത്‍ലറ്റികോയുടെ വരവ്
യുവേഫ ചാമ്പ്യന്‍സ് ലീഗില്‍ വമ്പൻമാർക്ക് ജയം. ലിവർപൂൾ, അത്‍ലറ്റികോ മാഡ്രിഡ്, മാഞ്ചസ്റ്റർ സിറ്റി ,റയൽമാഡ്രിഡ്, പിഎസ്ജി ക്ലബുകൾ പ്രീക്വാർട്ടറില്‍ കടന്നു. ആറില്‍ ആറും ജയിച്ച് ലിവർപൂള്‍ ഗ്രൂപ്പ് ഘട്ടം കടന്നപ്പോള്‍ മരണ പോരില്‍ നിന്നാണ് അത്‍ലറ്റികോയുടെ വരവ്. പോർട്ടോയെ മൂന്ന് ഗോളുകള്‍ക്ക് തച്ചുടപ്പോള്‍ ലിവർപൂളിന് മുന്നില്‍ എസി മിലാന്‍റെ കീഴടങ്ങലും അത്‍ലറ്റിക്കോക്ക് കാര്യങ്ങള്‍ അനുകൂലമാക്കി.
ഗ്രൂപ്പ് എയില്‍ നിന്ന് മാഞ്ചസ്റ്റർ സിറ്റിയും പിഎസ്ജിയും അടുത്തഘട്ട അങ്കത്തിന് ഒരുങ്ങി കഴിഞ്ഞു. അവസാന മത്സരത്തില്‍ സിറ്റി ലൈപ്സിഗിനോട് അട്ടിമറി തോല്‍വി വഴങ്ങിയപ്പോള്‍, പി.എസ്.ജിക്കായി മെസിയും എംബാപയും കളം നിറഞ്ഞാടി. ഗ്രൂപ്പ് ഡിയില്‍ നിന്ന് റയല്‍ മാഡ്രിഡും ഇന്‍റർ മിലാനും അടുത്ത റൗണ്ടിലെത്തി. മറ്റൊരു ഗ്രൂപ്പില്‍ നിന്ന് അയാക്സും സ്പോർട്ടിംഗും പ്രീക്വാര്‍ട്ടർ ടിക്കറ്റുറപ്പിച്ചപ്പോള്‍ ഡോഡ്മുണ്ടിന് പുറത്തേക്കുള്ള വാതില്‍ തുറന്നു.
Adjust Story Font
16
