ഷനക നയിക്കും;ഇന്ത്യക്കെതിരായ ടി20 പരമ്പരയ്ക്കുള്ള ടീമിനെ പ്രഖ്യാപിച്ച് ശ്രീലങ്ക

ഇന്ത്യക്കെതിരായ ടി20 പരമ്പരയ്ക്കുള്ള ശ്രീലങ്ക ടീമിനെ പ്രഖ്യാപിച്ചു. ഓസ്ട്രേലിയൻ പര്യടനത്തിൽ ടീമിലുണ്ടായിരുന്ന മൂന്ന് താരങ്ങളെ ഒഴിവാക്കിയാണ് ടീമിനെ പ്രഖ്യാപിച്ചിരിക്കുന്നത്. ഒപ്പണിങ് ബാറ്റ്സ്മാൻ അവിഷ്‌ക ഫെർണാണ്ടോ, നുവാൻ തുഷാര, ഓൾറൗണ്ടർ രമേഷ് മെൻഡിസ് എന്നിവരെയാണ് ഒഴിവാക്കിയത്. മൂവർക്കും പരിക്കാണ് തിരിച്ചടിയായത്.

ദസുൻ ഷനകയാണ് ടീമിന്റെ നായകൻ. മൂന്ന് മത്സരങ്ങളടങ്ങിയ പരമ്പരയാണ് ടി20യിലുള്ളത്. ഈ മാസം 24ന് ലഖ്നൗവിലാണ് ആദ്യ പോരാട്ടം. 26, 27 തീയതികളിലാണ് രണ്ടും മൂന്നും മത്സരങ്ങൾ അരങ്ങേറുന്നത്. ഈ രണ്ട് മത്സരങ്ങളും ധരംശാലയിലാണ് ഷെഡ്യൂൾ ചെയ്തിരിക്കുന്നത്. മാർച്ച് നാല് മുതൽ എട്ട് വരെ ഒന്നാം ടെസ്റ്റും മാർച്ച് 12 മുതൽ 16 വരെ രണ്ടാം ടെസ്റ്റും അരങ്ങേറും. യഥാക്രമം മൊഹാലി, ബംഗളൂരു എന്നിവയാണ് ടെസ്റ്റ് വേദികൾ.

ശ്രിലങ്ക ടീം: ദസുൻ ഷനക (ക്യാപ്റ്റൻ), പതും നിസങ്ക, കുശാൽ മെൻഡിസ്, ചരിത് അസലങ്ക, ദിനേഷ് ചാൻഡിമൽ, ധനുഷ്‌ക ഗുണതിലക, കമിൽ മിശ്ര, ജനിത് ലിയംഗെ, വാനിന്ദു ഹസരങ്ക, ദുഷ്മന്ത ചമീര, ലഹിരു കുമാര, ബിനുര ഫെർണാണ്ടോ, ഷിരൻ ഫെർണാണ്ടോ, മഹീഷ തീക്ഷ്ണ, ജെഫ്രി വാൻഡെർസെ, പ്രവീൺ ജയവിക്രമ, അഷിൻ ഡാനിയേൽ.