പൃഥ്വി ഷാക്ക് അർധ സെഞ്ച്വറി; ഡല്‍ഹിക്ക് ഭേദപ്പെട്ട സ്കോർ

ഐപിഎല്ലിൽ സൺറൈസേഴ്‌സ് ഹൈദരാബാദിനെതിരേ ടോസ് നേടി ബാറ്റിങ് തെരഞ്ഞെടുത്ത ഡൽഹി ക്യാപിറ്റൽസിന് ഭേദപ്പെട്ട സ്‌കോർ. 20 ഓവറില് നാലു വിക്കറ്റ് നഷ്ടത്തിൽ 159 റൺസാണ് ഡൽഹിക്ക് നേടാനായത്.

ഓപ്പണിങ് ഇറങ്ങിയ പൃഥ്വി ഷാ അർധ സെഞ്ച്വറി നേടി. 39 പന്തിൽ 53 റൺസാണ് പൃഥ്വി ഷാ നേടിയത്. ഷാ റണ്ണൗട്ടിലൂടെയാണ് പുറത്തുപോയത്. പൃഥ്വി ഷായുണ്ടാക്കിയ സകോറിങ് വേഗം തുടർന്നു വന്നവർക്ക് തുടരാനായില്ല. ശിഖർ ധവാന്‍റെ സ്‌കോറിങ് പതുക്കെയായിരുന്നു. 26 പന്തിൽ 28 റൺസ് നേടി ധവാൻ കൂടാരം കയറി. പിന്നാലെയെത്തിയ റിഷബ് പന്ത് 27 ബോളിൽ 37 റൺസ് നേടി.

സ്മിത്ത് 34 റൺസ് നേടി പുറത്താകാതെ നിന്നു. ഹെറ്റ്മയർറിന് ഒന്നും ചെയ്യാനായില്ല. ഒരു റൺ മാത്രമാണ് തകർത്തടിക്കുമെന്ന് പ്രതീക്ഷിച്ച ഹെറ്റ്മയർ നേടിയത്.സ്റ്റോയിനിസിന് കളിക്കാൻ ആകെ ലഭിച്ചത് രണ്ടു പന്താണ്. രണ്ടു പന്തിൽ അദ്ദേഹത്തിന് രണ്ടു റൺസ് മാത്രമാണ് നേടാനായത്. ഹൈദരബാദിനു വേണ്ടി സിദ്ധാർഥ് കൗൾ 2 വിക്കറും റാഷിദ് ഖാൻ ഒരു വിക്കറ്റും നേടി.