വിനോദ നികുതി അടച്ചില്ല; കേരള ബ്ലാസ്റ്റേഴ്സിന് നോട്ടീസ് നൽകി കൊച്ചി കോർപ്പറേഷൻ

കൊച്ചി: വിനോദ നികുതി അടക്കാത്തതിനാല്‍ കേരള ബ്ലാസ്റ്റേഴ്സിന് നോട്ടീസ് നൽകി കൊച്ചി കോർപ്പറേഷൻ.

ഉടൻ പണം അടച്ചില്ലെങ്കിൽ കൂടുതൽ നടപടികൾ സ്വീകരിക്കുമെന്നാണ് മുന്നറിയിപ്പ്. കലൂർ ജവഹർലാൽ നെഹ്റു സ്റ്റേഡിയത്തിൽ നടന്ന മത്സരങ്ങളുടെ വിനോദ നികുതിയാണ് ടീം അടക്കാത്തത്.

ഈ സീസണിൽ കേരള ബ്ലാസ്റ്റേഴ്സ് കലൂർ സ്റ്റേഡിയത്തിൽ കളിച്ച മത്സരങ്ങളുടെ വിശദാംശങ്ങൾ, ടിക്കറ്റ് വില്പനയുമായി ബന്ധപ്പെട്ട വിശദാംശങ്ങൾ എന്നിവയും കോർപ്പറേഷൻ ആവശ്യപ്പെട്ടിട്ടുണ്ട്.

മുൻവർഷങ്ങളിലെ കേരള ബ്ലാസ്റ്റേഴ്സിന്റെ മത്സരങ്ങളുമായി ബന്ധപ്പെട്ട വിശദാംശങ്ങൾ ആവശ്യപ്പെട്ടുകൊണ്ട് ജിസിഡിഎക്കും നോട്ടീസ് നൽകിയിട്ടുണ്ട്.

Watch Video Report