യുണൈറ്റഡിന്‍റെ സ്ഥാനം ഹൃദയത്തില്‍; സര്‍ അലക്സ്, ഈ തിരിച്ചുവരവ് നിങ്ങള്‍ക്കായി- റൊണാള്‍ഡോ

പോർച്ചുഗീസ്​ ഇതിഹാസം ക്രിസ്റ്റ്യാനോ റൊണാൾഡോയുമായുള്ള രണ്ട്​ വർഷത്തെ കരാർ​ ഔദ്യോഗികമായി പ്രഖ്യാപിച്ച് മാഞ്ചസ്റ്റർ യുനൈറ്റഡ്. മെഡിക്കൽ, വിസ, മറ്റു വ്യവസ്ഥകൾ എന്നിവക്കെല്ലാമുള്ള ഔപചാരികതകളും പൂര്‍ത്തിയായി​. മാഞ്ചസ്റ്റർ യുനൈറ്റഡിന്​ എന്‍റെ ഹൃദയത്തിൽ പ്രത്യേക സ്ഥാനമുണ്ടെന്ന്​ കരാറൊപ്പിട്ട ശേഷം റൊ​ണാൾഡോ പ്രതികരിച്ചു.

'എന്നെ അറിയുന്ന എല്ലാവർക്കുമറിയാം എനിക്ക്​ യുണൈറ്റഡിനോട്​ ഒരിക്കലും അവസാനിക്കാത്ത ബന്ധമുണ്ടെന്ന്​. ഈ ക്ലബാണ്​ എനിക്ക്​ വഴി​വെട്ടിയത്​. ഞാനും ഈ ക്ലബും നടന്നുനീങ്ങിയ ആ വഴികള്‍ ചരിത്രത്തില്‍ തങ്കലിപികളില്‍ കുറിക്കപ്പെട്ടവയാണ്.

എന്‍റെ ആദ്യത്തെ കപ്പ്​, ആദ്യമായി പോർച്ചുഗൽ ദേശീയ ടീമിലേക്കുള്ള വിളി, ആദ്യത്തെ ചാമ്പ്യൻസ്​ ലീഗ്​, ആദ്യത്തെ ഗോൾഡൻ ബൂട്ട്, ആദ്യത്തെ ഗോൾഡൻ ബൂട്ട്​ എല്ലാം ഇവിടെയായിരുന്നു.​

നിറഞ്ഞുകവിഞ്ഞ ഓൾ​ഡ്​ ട്രാഫോഡ്​ സ്​റ്റേഡിയത്തിൽ കളിക്കാനും ആരാധകരെ കാണാനുമുള്ള കാത്തിരിപ്പിലാണ്​ ഞാൻ. ഇത് തികച്ചും സ്വപ്നതുല്യമാണ്. അന്താരാഷ്​ട്ര മത്സരങ്ങൾക്ക്​ ശേഷം ക്ലബുമായി ചേരാനാണ്​ ഞാൻ ഉദ്ദേശിക്കുന്നത്​. വളരെ വിജയകരമായ ഒരു വർഷം മുന്നിലുണ്ടാകുമെന്നാണ്​ കരുതുന്നത്.

ഞാൻ വന്നിരിക്കുന്നു. ഞാനുണ്ടായിരുന്നിടത്തേക്ക്​ വീണ്ടും. ചരിത്രം ആവര്‍ത്തിക്കുക തന്നെ ചെയ്യും. സർ അലക്​സ്​, ഈ തിരിച്ചുവരവ് നിങ്ങള്‍ക്കായാണ് '' റൊണാൾഡോ പ്രതികരിച്ചു.

2003ൽ ​പോ​ർ​ചു​ഗ​ലി​ലെ സ്​​പോ​ർ​ട്ടി​ങ്​ ക്ല​ബി​ൽ​നി​ന്ന്​ യു​നൈ​റ്റ​ഡി​ലെ​ത്തി​യ റൊ​​ണാ​ൾ​ഡോ ആ​റു സീ​സ​ണുക​ളി​ൽ ക്ല​ബ്​ ജ​ഴ്​​സി​യ​ണി​ഞ്ഞു. മൂ​ന്നു പ്രീ​മി​യ​ർ ലീ​ഗ്​ കി​രീ​ട​വും ഒ​രു ചാ​മ്പ്യ​ൻ​സ്​ ലീ​ഗും സ്വ​ന്ത​മാ​ക്കി​യ​ശേ​ഷം 2009ലാ​ണ്​ റൊ​ണാ​ൾ​ഡോ റ​യ​ൽ മാ​ഡ്രി​ഡി​ലേ​ക്ക്​ ചേക്കേറിയത്. പ​ത്തു വ​ർ​ഷ​ത്തെ റ​യ​ൽ വാ​സ​ത്തി​നു​ശേ​ഷം 2018ലാ​ണ്​ യു​വ​ന്‍റ​സി​ലെ​ത്തി​യ​ത്.