‘പിന്തുണച്ചവർക്കെല്ലാം നന്ദി’; വിരമിക്കൽ പ്രഖ്യാപിച്ച്​ പി.ആർ ശ്രീജേഷ്​

ന്യൂഡൽഹി: ഈ മാസം തുടങ്ങുന്ന പാരിസ്​ ഒളിമ്പിക്​സിന്​ ശേഷം വിരമിക്കുമെന്ന്​ പ്രഖ്യാപിച്ച്​ ഇന്ത്യ​ൻ ഹോക്കി ഗോൾകീപ്പറും മലയാളിയുമായ പി.ആർ ശ്രീജേഷ്​. 2006 മുതൽ ഇന്ത്യൻ കുപ്പായത്തിൽ കളത്തിലിറങ്ങിയ ശ്രീജേഷ്​ 328 മത്സരങ്ങളിൽ ഇന്ത്യൻ കുപ്പായമണിഞ്ഞിട്ടുണ്ട്​.

‘‘അന്താരാഷ്ട്ര ഹോക്കിയിലെ അവസാന അധ്യായത്തിൻ്റെ വക്കിൽ നിൽക്കു​േമ്പാൾ എൻ്റെ ഹൃദയം നന്ദിയാൽ വീർപ്പുമുട്ടുന്നു.എ​െൻറ കുടുംബത്തിൽ നിന്നും സഹതാരങ്ങളിൽ നിന്നും കോച്ചിൽ നിന്നും ആരാധകരിൽ നിന്നും ലഭിച്ച പിന്തുണക്ക്​ എന്നും നന്ദിയുള്ളവനായിരിക്കും. 2020 ടോക്യോ ഒളിമ്പിക്​സിൽ ​മെഡലണിഞ്ഞത്​ ഒരു സ്വപ്​നത്തി​െൻറ സാക്ഷാത്​കാരമായിരുന്നു’’ -ശ്രീജേഷ്​ സമൂഹമാധ്യമായ എക്​സിൽ കുറിച്ചു.

1988ന്​ എറണാകുളം ജില്ലയിലെ കിഴക്കമ്പലത്താണ്​ ശ്രീജേഷി​െൻറ ജനനം. 12ാം വയസ്സിൽ തിരുവനന്തപുരം ജി.വി രാജ സ്​പോർട്​സ്​ സ്​കൂളിൽ ചേർന്നു. ഇന്ത്യൻ ജൂനിയർ ടീമിനായി നടത്തിയ മികച്ച പ്രകടനങ്ങളാണ്​ ഇന്ത്യൻ ടീമിലേക്കുള്ള വഴി തുറന്നത്​. 2016 റിയോ ഒളിമ്പിക്​സിലെ ഇന്ത്യൻ സംഘത്തെ നയിച്ചത്​ ശ്രീജേഷായിരുന്നു. 2021 ടോക്യോ ഒളിമ്പിക്​സിൽ ജർമനിയെ തോൽപ്പിച്ച്​ ഇന്ത്യ വെങ്കല മെഡൽ നേടു​േമ്പാൾ തുണയായത്​ ശ്രീജേഷി​െൻറ നിർണായക പ്രകടനങ്ങളായിരുന്നു​.

2022 കോമൺവെൽത്ത്​ ഗെയിംസ്​ വെള്ളി മെഡൽ, 2023 ഏഷ്യൻ ചാമ്പ്യൻസ്​ ട്രോഫി, 2022 ഏഷ്യൻ ഗെയിംസ്​ സ്വർണമെഡൽ എന്നീ നേട്ടങ്ങളിലും ഇന്ത്യൻ ടീമിനൊപ്പമുണ്ടായിരുന്നു. 2021ൽ രാജ്യം കായിക രംഗത്തെ പരമോന്നത ബഹുമതിയായ ഖേൽ രത്​ന നൽകി ആദരിച്ചു.