ജൂനിയർ ലൂണയെത്തി; ചിത്രം പങ്കുവച്ച് ബ്ലാസ്റ്റേഴ്സ്

കേരള ബ്ലാസ്റ്റേഴ്‌സ് നായകൻ അഡ്രിയാൻ ലൂണക്ക് കുഞ്ഞു പിറന്നു. ബ്ലാസ്റ്റേഴ്‌സ് തന്നെയാണ് ഇക്കാര്യം ഔദ്യോഗിക പേജുകളിലൂടെ ആരാധകരെ അറിയിച്ചത്.

'കേരള ബ്ലാസ്റ്റേഴ്‌സ് കുടുംബത്തിലേക്ക് പുതിയ ഒരംഗംകൂടി. കുഞ്ഞു സാന്‍റീനോയെ വരവേൽക്കുന്ന അഡ്രിയാൻ ലൂണക്കും മരിയാനക്കും അഭിനനന്ദനങ്ങൾ'- ക്ലബ്ബ് കുറിച്ചു. കുഞ്ഞിനൊപ്പമുള്ള താരത്തിന്റെ ചിത്രങ്ങളും പങ്കുവച്ചിട്ടുണ്ട്.

2021 മുതൽ കേരള ബ്ലാസ്‌റ്റേഴ്‌സിന്റെ അവിഭാജ്യ ഘടകമാണ് യുറുഗ്വൻ താരമായ ലൂണ. മൂന്ന് വർഷത്തിനിടെ പല വിദേശ താരങ്ങളും ക്ലബ്ബ് വിട്ട് പോയപ്പോൾ ലൂണയെ മഞ്ഞപ്പട ടീമിൽ നിലനിർത്തുകയായിരുന്നു.