'ഇതാ എന്റെ സ്‌നേഹസമ്മാനം'; പാക് പേസർ ഹാരിസ് റഊഫിനെ ഞെട്ടിച്ച് ധോണി

മുൻ ഇന്ത്യൻ നായകൻ എംഎസ് ധോണിയിൽ നിന്ന് ആ മനോഹരമായ സമ്മാനം ലഭിച്ചതിന്റെ ത്രില്ലിലാണ് പാക് പേസർ ഹാരിസ് റഊഫ്. ചെന്നൈ സൂപ്പർ കിങ്‌സിലെ തന്റെ നമ്പർ 7 ജഴ്‌സിയാണ് ധോണി റഊഫിന് സമ്മാനമായി നൽകിയത്. ഇതിന്റെ ചിത്രങ്ങൾ പാക് പേസറാണ് സമൂഹമാധ്യമങ്ങളിൽ പങ്കുവച്ചത്.

'ക്യാപ്റ്റൻ കൂളും ഇതിഹാസവുമായ ധോണി ഈ മനോഹരമായ സമ്മാനം നൽകി എന്നെ ആദരിച്ചു. ഈ 'ഏഴ്' ഇപ്പോഴും ഹൃദയങ്ങൾ കീഴടക്കുന്നു. പിന്തുണയ്ക്ക് നന്ദി' - ജഴ്‌സിയുടെ രണ്ട് ചിത്രങ്ങൾക്കൊപ്പം ഹാരിസ് റഊഫ് ട്വിറ്ററിൽ കുറിച്ചത്.

The legend & capt cool @msdhoni has honored me with this beautiful gift his shirt. The "7" still winning hearts through his kind & goodwill gestures. @russcsk specially Thank you so much for kind support. pic.twitter.com/XYpSNKj2Ia

— Haris Rauf (@HarisRauf14) January 7, 2022

2020 ആഗസ്തിലാണ് ധോണി അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചത്. എന്നാൽ ഐപിഎല്ലിൽ ഇപ്പോഴും ചെന്നൈ സൂപ്പർ കിങ്‌സ് നായകനാണ്. ഓസീസിലെ ബിഗ് ബാഷ് ലീഗിൽ മെൽബൺ സ്റ്റാർ താരമാണ് ഹാരിസ് റഊഫ്.