തടി കുറയ്ക്കാന്‍ ചില എളുപ്പവഴികള്‍
വ്യായാമം പോലുള്ള ബുദ്ധിമുട്ടുള്ള സംഗതികളൊഴിവാക്കി, ഭക്ഷണം കഴിക്കാതിരിക്കുന്നതാണ് അതിന് പ്രതിവിധിയെന്നാണ് ചിലരെങ്കിലും ധരിച്ചുവെച്ചിരിക്കുന്നത്
തടി ഒരു വലിയ പ്രശ്നമാണ് ഇന്ന്, വലിയ ഒരു മാര്‍ക്കറ്റും. മുക്കിന് മുക്കിന് മുളച്ചുപൊന്തുന്ന ഫിറ്റ്നസ് സെന്റനറുകളും ജിമ്മുകളും തന്നെയാണ് അതിന് തെളിവ്. സ്ത്രീകളെയും പുരുഷന്മാരെയും ശരീരഭാരം കൂടുന്നുവെന്നത് ഒരുപോലെ ബുദ്ധിമുട്ടിക്കുന്നുണ്ട്. വ്യായാമം പോലുള്ള ബുദ്ധിമുട്ടുള്ള സംഗതികളൊഴിവാക്കി, ഭക്ഷണം കഴിക്കാതിരിക്കുന്നതാണ് അതിന് പ്രതിവിധിയെന്നാണ് ചിലരെങ്കിലും ധരിച്ചുവെച്ചിരിക്കുന്നത്.
അധികം ബുദ്ധിമുട്ടാതെ തടി കുറയാന്‍ ചില വഴികള്‍:
- ഉപ്പിന്റെ അളവ് കുറയ്ക്കുക.
- പഞ്ചസാരയുടെ ഉപയോഗം കുറയ്ക്കുക
- വറുത്തതു പൊരിച്ചതുമായ ഭക്ഷണങ്ങളെ അകറ്റി നിര്‍ത്തുക.
- പ്രോസസ്ഡ് ഫുഡ്, കൃത്രിമ നിറങ്ങള്‍, മധുരം തുടങ്ങിയവ ഒഴിവാക്കുക
- ഇഷ്ടമുള്ളതെന്തും വലിച്ചുവാരി കഴിക്കരുത്. അതും പാകത്തിന് മാത്രമാക്കുക.
- നാരുകളടങ്ങിയ ഭക്ഷണം ദിവസവും ഭക്ഷണത്തില്‍ ഉള്‍പ്പെടുത്തുക.
- ധാരാളം വെള്ളം കുടിയ്‌ക്കുക.
- ബാര്‍ലി ഭക്ഷണത്തില്‍ ഉള്‍പ്പെടുത്തുക. ശരീരം മെലിയാന്‍ സഹായിക്കുക മാത്രമല്ല, കൊളസ്‌ട്രോളിന്റെ അളവു കുറയ്ക്കാനും ബാര്‍ലി സഹായിക്കും.
- പച്ചക്കറികളും പഴങ്ങളും സാലഡുകളും ഭക്ഷണത്തില്‍ കൂടുതലായി ഉള്‍പ്പെടുത്തുക.
- മഞ്ഞള്‍, വെളുത്തുള്ളി എന്നിവ ഭക്ഷണത്തില്‍ ഉള്‍പ്പെടുത്തുന്നതും തടി കുറയ്ക്കാന്‍ സഹായിക്കും.
- ഭക്ഷണത്തിന് മുമ്പ് വെജിറ്റബില്‍ ജ്യൂസോ പഴച്ചാറോ കുടിയ്ക്കുന്നതും നല്ലതാണ്.
- ദിവസവും അര മണിക്കൂറെങ്കിലും നടക്കുക.
- നീന്തല്‍- ശരീരത്തിന്റെ എല്ലാ ഭാഗത്തുമുള്ള കൊഴുപ്പു കുറയ്ക്കാന്‍ ഇത് നല്ലതാണ്.സൈക്കിള്‍ ചവിട്ടുക. തടി കുറയുകയും കാലുകളിലെ മസിലുകള്‍ക്ക് ഉറപ്പുണ്ടാവുകയും ചെയ്യും.
- ടെന്‍ഷന്‍, സ്‌ട്രെസ് എന്നിവയെ അകറ്റി നിര്‍ത്തുക. ടെന്‍ഷന്‍ ശരീരം തടിപ്പിക്കുന്ന കോര്‍ട്ടിസോള്‍ എന്ന ഹോര്‍മോണ്‍ പുറപ്പെടുവിക്കും.
- ദിവസം മൂന്നുനേരം ഭക്ഷണം കഴിക്കുന്നതിന് പകരം അത് അളവിലുള്ള ഭക്ഷണം ആറു തവണയാക്കുക.
- ഭക്ഷണം സാവധാനത്തില്‍ ചവച്ചരച്ചു കഴിയ്ക്കുക. ഇങ്ങനെ കഴിക്കുമ്പോള്‍ വയര്‍ പെട്ടെന്ന് നിറഞ്ഞതായി തോന്നും. ദഹനം സുഗമമാകും. കൊഴുപ്പടിഞ്ഞു കൂടാതിരിക്കാനും സഹായിക്കും.
Next Story
Adjust Story Font
16
