ശരീരത്തിലെ നിരവധി പ്രവർത്തനങ്ങൾ നിർവഹിക്കുന്നതിൽ കരളിന്റെ പങ്ക് എത്ര വലുതാണെന്ന് നമുക്കറിയാമല്ലോ. ഇത്രയേറെ പ്രാധാന്യമുള്ള ഒരാളായിട്ട് കൂടി കരളിന് വേണ്ട പരിചരണം നമ്മൾ നൽകുന്നുണ്ടോ. മറ്റെല്ലാ അവയവങ്ങളും പോലെ തന്നെ കരളിന്റെ ആരോഗ്യത്തിനും ഭക്ഷണം ഒരു പ്രധാനഘടകമാണ്.

ജീവിതശൈലി നിയന്ത്രിക്കുകയും ഭക്ഷണം തിരഞ്ഞെടുക്കുമ്പോൾ ശ്രദ്ധ നൽകുകയും ചെയ്യുമ്പോൾ സ്വാഭാവികമായും ആരോഗ്യം നിലനിർത്തി രോഗങ്ങളെ അകറ്റാൻ സാധിക്കും. കരളിന്റെ ആരോഗ്യം സംരക്ഷിക്കാൻ ഭക്ഷണക്രമത്തിൽ വരുത്തേണ്ട ചില പൊടിക്കൈകൾ നോക്കിയാലോ:-

• ചെറുചൂടുള്ള വെള്ളത്തിൽ ഒരു ഗ്ലാസ് നാരങ്ങ നീര് പിഴിഞ്ഞ് ദിവസവും രാവിലെ കുടിക്കുക
• ദിവസവും കുറഞ്ഞത് 6-8 ഗ്ലാസ് ഫിൽട്ടർ ചെയ്ത വെള്ളം കുടിക്കുക. കൂടാതെ, 2-3 ഗ്ലാസ് ചൂടുവെള്ളം കുടിക്കുന്നത് കരളിനെയും വൃക്കകളെയും ശുദ്ധീകരിക്കാൻ മാത്രമല്ല, ശരീരഭാരം കുറയ്ക്കാനും സഹായിക്കും.
• കാരറ്റ്, ബീറ്റ്റൂട്ട്, ചീര എന്നിനാനെയുള്ള പച്ചക്കറികൾ ജ്യൂസ് അടിച്ച് കുടിക്കുന്നത് നല്ലതാണ്.
• ഭക്ഷണത്തിന്റെ 40% എങ്കിലും അസംസ്കൃത പഴങ്ങളും പച്ചക്കറികളും ഉൾപ്പെടുത്തണം. അസംസ്കൃത ഭക്ഷണങ്ങളിൽ ദഹനത്തെ സഹായിക്കുന്ന എൻസൈമുകൾ അടങ്ങിയിട്ടുണ്ട്. ഇവ വിഷവസ്തുക്കളെ നീക്കം ചെയ്യാനുള്ള കരളിന്റെ കഴിവ് വർധിപ്പിക്കുന്നു.
• ശുദ്ധീകരിച്ച പഞ്ചസാരയും മൈദയും ഒഴിവാക്കുക. ഈ രണ്ടുചേരുവകളും കരളിന് ഇരട്ടിപ്പണിയാണ് ഉണ്ടാക്കുന്നത്. കരളിന് ദോഷകരമായ ബാക്ടീരിയകളുടെ വളർച്ചക്കും ഇത് കാരണമാകും.
• മുളപ്പിച്ച പയറുവർഗ്ഗങ്ങളായ മുങ്ങ്, മത്കി, കറുക, പച്ചക്കായ, മുളപ്പിച്ച ഗോതമ്പ് എന്നിവ കഴിക്കുക. കരളിന്റെ ശുദ്ധീകരണ ഗുണങ്ങൾ വർധിപ്പിക്കാൻ ഇത് സഹായിക്കും.
• പാൽ, മട്ടൺ, പന്നിയിറച്ചി, ബീഫ്, ചിക്കന്റെ തൊലി, സംസ്കരിച്ചതും വറുത്തതുമായ ഭക്ഷണങ്ങൾ എന്നിവയിൽ അടങ്ങിയിരിക്കുന്ന പൂരിത കൊഴുപ്പുകൾ ഒഴിവാക്കുക