സ്തനാർബുദ സാധ്യത തടയാൻ ഈ ഭക്ഷണങ്ങൾ നിങ്ങളെ സഹായിക്കും

സ്ത്രികളിൽ ഏറ്റവും അധികം കാണപ്പെടുന്ന അർബുദമാണ് സ്തനാർബുദം. മറ്റേതു രോഗത്തെയും പോലെ തുടക്കത്തിൽ തിരിച്ചറിഞ്ഞാൽ സുഖപ്രദമാക്കാവുന്ന രോഗമാണ് അർബുദം. പ്രായത്തിനനുസരിച്ച് സ്തനാർബുദ സാധ്യത വർധിക്കുന്നു എന്നാണ് പഠനം പറയുന്നത്. പ്രത്യേകിച്ച് 50 വയസ്സിനു ശേഷം. ആർത്തവവിരാമത്തിനു ശേഷമുള്ള സ്ത്രീകൾ, അമിതഭാരമുള്ളതോ അല്ലെങ്കിൽ ഉയർന്ന കൊളസ്ട്രോൾ, ഹൈപ്പർടെൻഷൻ എന്നിവയുള്ളതോ ആയവർ അതോ രണ്ടും ഉള്ളവരിലോ സ്തനാർബുദ സാധ്യത കൂടുതലാണ്. പുരുഷൻമാരിലും സ്താനാർബുദം കാണപ്പെടാറുണ്ടെങ്കിലും അത് 1% ൽ താഴെയാണ്. ഡിഎൻഎ തകരാറുകളും ജനിതകമാറ്റങ്ങളും സ്തനാർബുദത്തിന് കാരണമായേക്കാം. ജീവിതശൈലിയും ഇതിൽ നിർണായക പങ്ക് വഹിക്കുന്നു. പുകവലി, ഈസ്ട്രജൻ എക്സ്പോഷർ, അമിതമായ മദ്യപാനം, ഭക്ഷണരീതികൾ എന്നിവ സ്താനാർബുദത്തിന് കാരണമായേക്കാം.

മത്സ്യം, ഇലക്കറികൾ, വാൾനട്ട്, തുടങ്ങിയവ കഴിക്കുന്നത് നല്ലതാണ്. പ്രധാനമായും മത്സ്യങ്ങളിൽ സാൽമൺ, അയല, കക്കയിറച്ചി, തുടങ്ങിയവ കഴിക്കുന്നത് അർബുദത്തിന് പുറമെ ഹൃദയസംബന്ധമായ അസുഖങ്ങളും കുറക്കുമെന്നാണ് പംനങ്ങള്‍ പറയുന്നത്. സ്തനാർബുദം എങ്ങനെ സ്വയം കണ്ടെത്താമെന്നും , സ്തനാർബുദ സാധ്യത കുറയ്ക്കാൻ സഹായിക്കുന്ന 12 ഭക്ഷണങ്ങളും ഒഴിവാക്കേണ്ട ചില ഭക്ഷണങ്ങളും ചുവടെ കൊടുത്തിട്ടുണ്ട്.

സ്വയം പരിശോധന എങ്ങനെ?

സാധാരണഗതിയിൽ സത്രീകളുടെ മാസമുറ കഴിഞ്ഞയുടനെയാണ് സ്വയം പരിശോധന നടത്തേണ്ടത്. എന്നാൽ മാസമുറ കൃത്യമല്ലാത്തവർ ഒരുമാസത്തോളം വരുന്ന കൃത്യമായ ഇടവേളയില്‍ പരിശോധന നടത്തണം. സ്തനങ്ങളിൽ വരുന്ന വലിപ്പ വ്യത്യാസം, സ്തനങ്ങളിൽ രൂപപ്പെടുന്ന മുഴ, കക്ഷ ഭാഗത്തെ മുഴകൾ, സതനങ്ങളിലെ നിറവ്യത്യാസം, മുലകണ്ണില്‍ നിന്ന് പുറത്തേക്ക് വരുന്ന സ്രവം തുടങ്ങിയവ കൃത്യമായും നിരീക്ഷിക്കേണ്ടതുണ്ട്. ഇത് അർബുദം കാരണമല്ലെന്ന് ഉറപ്പു വരുത്തണം. മാറിടങ്ങള്‍ കൈകൊണ്ട് പരിശോധിക്കുന്നതിലൂടെ ശരീരത്തിലെ മുഴകൾ കണ്ടെത്താൻ കഴിയും.

സ്റ്റേജ് ഒന്നിലോ രണ്ടിലോ ആണ് കണ്ടുപിടിക്കുന്നതെങ്കിൽ കൃത്യമായ ചികിത്സയിലൂടെ കാൻസർ ഭേതമാക്കാം. എന്നാൽ നാലോ അഞ്ചോ സ്‌റ്റേജാണ് എങ്കിൽ ഇത്തരക്കാരിൽ ശസ്ത്രക്രിയയോടൊപ്പം കീമോ തെറാപ്പിയും റേഡിയേഷൻ ചികിത്സയും മറ്റു ചികിത്സകളും ആവശ്യമായി വരുന്നു.

അമ്പത് വയസ്സിന് മുകളിൽ പ്രായമുള്ളവർക്കും ആർത്തവ വിരാമം സംഭവിക്കുന്നവർക്കും മാത്രമേ സ്തനാർബുദം എന്ന ധാരണ പൂർണ്ണമായും തെറ്റാണ്. ഈ രോഗം ഏറ്റവും കൂടുതൽ ബാധിക്കുന്നത് 35 നും 55 നും ഇടയിൽ പ്രായമുള്ള സ്ത്രീകളെയാണ് എന്നാണ് പഠനങ്ങൾ കാണിക്കുന്നത്.

സ്തനാർബുദ സാധ്യത കുറയ്ക്കുന്ന ഭക്ഷണങ്ങൾ

ഭക്ഷണക്രമം മെച്ചപ്പെടുത്തുന്നത് നിങ്ങളുടെ മൊത്തത്തിലുള്ള ആരോഗ്യം മെച്ചപ്പെടുത്താനും പൊതുവെ അർബുദ സാധ്യത കുറയ്ക്കാനും സഹായിക്കും. പോഷക സമൃദ്ധമായ ഭക്ഷണമാണ് കഴിക്കുന്നതെങ്കിലും സ്വയം പരിശോധന നടത്തുന്നത് നല്ലതാണ്. നേരത്തെ രോഗം കണ്ടെത്തുന്നത് രോഗത്തിന്‍റെ അപകട സാധ്യത കുറക്കും.

1. ഇലക്കറികൾ

കാൻസർ വിരുദ്ധ ഗുണങ്ങളുള്ള ഇലക്കറികളിൽ ചിലത് ഇവയാണ്:

കെയ്ൽ

ജെർജിർ

ചീര

കടുക് ഇല

മുള്ളങ്കി

ഇലക്കറികളിൽ ബീറ്റാ കരോട്ടിൻ, ല്യൂട്ടിൻ, സിയാക്സാന്തിൻ എന്നിവയുൾപ്പെടെ കരോട്ടിനോയിഡ് ആന്റിഓക്‌സിഡന്റുകൾ അടങ്ങിയിട്ടുണ്ട്. ഈ ആന്റിഓക്‌സിഡന്റുകളുടെ ഉയർന്ന രക്ത അളവ് സ്തനാർബുദ സാധ്യത കുറയ്ക്കാൻ സഹായിക്കും. 2012 ൽ 7,011 സ്ത്രീകളിൽ നടത്തിയ 8 പഠനങ്ങളനുസരിച്ച് ഉയർന്ന തോതിലുള്ള കരോട്ടിനോയിഡുകൾ ഉള്ളവർക്ക് സ്തനാർബുദ സാധ്യത കുറവാണെന്ന് കണ്ടെത്തിയിരുന്നു. വിറ്റാമിൻ ബി അടങ്ങിയ ഇലക്കറികള്‍ കഴിക്കുന്നത് സ്തനാർബുദത്തെ പ്രതിരോധിക്കാൻ സഹായിക്കുമെന്ന് ചില ഗവേഷണങ്ങൾ കണ്ടെത്തി.

2. ക്രൂസിഫറസ് പച്ചക്കറികൾ

കോളിഫ്ലവർ, കാബേജ്, ബ്രൊക്കോളി എന്നിവയുൾപ്പെടെയുള്ള ക്രൂസിഫറസ് പച്ചക്കറികൾ സ്തനാർബുദ സാധ്യത കുറയ്ക്കാൻ സഹായിക്കും. ക്രൂസിഫറസ് പച്ചക്കറികളിൽ ഗ്ലൂക്കോസിനോലേറ്റ് സംയുക്തങ്ങൾ അടങ്ങിയിട്ടുണ്ട്, ഇതിനെ ശരീരം ഐസോത്തിയോസൈനേറ്റ്സ് എന്ന തന്മാത്രകളാക്കി മാറ്റും. ഇവയ്ക്ക് അർബുദത്തിനെ പ്രതിരോധിക്കാൻ കഴിയുമെന്നാണ് പംനങ്ങള്‍ പറയുന്നത്. ചൈനയിൽ 1,493 സ്ത്രീകളിലായി നടത്തിയ പംനത്തിൽ ക്രൂസിഫറസ് പച്ചക്കറികൾ കഴിക്കുന്നത് സ്തനാർബുദ സാധ്യത കുറയ്ക്കുന്നതായി കണ്ടെത്തിയിട്ടുണ്ട്.

3. അല്ലിയം പച്ചക്കറികൾ

വെളുത്തുള്ളി, സവാള, ചെറിയ ഉള്ളി എന്നിവയെല്ലാം അല്ലിയം പച്ചക്കറികളാണ്. ഓർഗാനോസൾഫർ സംയുക്തങ്ങൾ, ഫ്ലേവനോയിഡ് ആന്റിഓക്‌സിഡന്റുകൾ, വിറ്റാമിൻ സി എന്നിവയുൾപ്പെടെയുള്ള പോഷകങ്ങളുടെ ഒരു നിര തന്നെ ഇവയിൽ അടങ്ങിയിട്ടുണ്ട്. പ്യൂർട്ടോ റിക്കോയിലെ 660 സ്ത്രീകളെ ഉൾപ്പെടുത്തി നടത്തിയ ഒരു പഠനത്തിൽ വെളുത്തുള്ളിയും ഉള്ളിയും കഴിക്കുന്നത് സ്തനാർബുദ സാധ്യത കുറയ്ക്കുന്നതായി കണ്ടെത്തിയിട്ടുണ്ട്. അതുപോലെ, 582 ഇറാനിയൻ സ്ത്രീകളെ ഉൾപ്പെടുത്തി നടത്തിയ ഒരു പഠനത്തിൽ വെളുത്തുള്ളിയും ലീക്സും കൂടുതലായി കഴിക്കുന്നത് സ്തനാർബുദത്തെ പ്രതിരോധിക്കുമെന്ന് കണ്ടെത്തി. ഉള്ളിയെക്കുറിച്ചും സ്തനങ്ങളുടെ ആരോഗ്യത്തെക്കുറിച്ചും കൂടുതൽ ഗവേഷണങ്ങള്‍ ഇപ്പോഴും നടക്കുന്നുണ്ട്.

4. സിട്രസ് പഴങ്ങൾ

ഓറഞ്ച്

മുന്തിരി

നാരങ്ങ

മുസമ്പി

സിട്രസ് പഴങ്ങളും അവയുടെ പുറം തോടും സ്തനാർബുദത്തിൽ നിന്ന് സംരക്ഷിക്കുന്ന സംയുക്തങ്ങളാൽ നിറഞ്ഞിരിക്കുന്നു. വാസ്തവത്തിൽ സ്തനാർബുദം ഉൾപ്പെടെയുള്ള പല അർബുദങ്ങളുടെയും സാധ്യത കുറക്കാൻ സിട്രസ് പഴങ്ങള്‍ സഹായിക്കുമെന്നാണ് ഗവേഷണങ്ങള്‍ പറയുന്നത്. 8,393 ആളുകളെ ഉൾപ്പെടുത്തി നടത്തിയ 6 പഠനങ്ങള്‍ അനുസരിച്ച് സിട്രസ് കഴിക്കുന്നത് സ്തനാർബുദ സാധ്യത കുറക്കുമെന്ന് കണ്ടെത്തി.

5. സരസഫലങ്ങൾ

സരസഫലങ്ങൾ പതിവായി കഴിക്കുന്നത് സ്തനാർബുദം ഉൾപ്പെടെയുള്ള ചില ക്യാൻസറുകളുടെ സാധ്യത കുറയ്ക്കാൻ സഹായിക്കും. 75,929 സ്ത്രീകൾ ഉൾപ്പെട്ട 2013-ലെ ഒരു പഴയ പഠനം അനുസരിച്ച് ബെറികളും പ്രത്യേകിച്ച് ബ്ലൂബെറികളും കഴിക്കുന്നത് അർബുദത്തിന്‍റെ അപകട സാധ്യത കുറക്കുമെന്ന് കണ്ടെത്തിയിട്ടുണ്ട്.

6. പീച്ച്, ആപ്പിൾ, പിയർ, മുന്തിരി

പീച്ച്, ആപ്പിൾ, പിയർ, മുന്തിരി എന്നിവ സ്തനാർബുദത്തിൽ നിന്ന് സംരക്ഷിക്കുമെന്ന് തെളിയിക്കപ്പെട്ടിട്ടുണ്ട്. മുകളിൽ സൂചിപ്പിച്ച 2013 പഠനത്തിൽ പീച്ച് കഴിക്കുന്നത് സ്തനാർബുദം വരാനുള്ള സാധ്യത 41% വരെ കുറച്ചിട്ടുണ്ട് എന്നാണ് പംനങ്ങള്‍ പറയുന്നത്.

പീച്ചിൽ നിന്നുള്ള പോളിഫെനോൾ ആന്റിഓക്‌സിഡന്റുകൾ മനുഷ്യന്റെ സ്തനാർബുദ സെൽ ലൈനിന്റെ വളർച്ചയെയും വ്യാപനത്തെയും തടയുന്നുവെന്ന് 2014 ലെ ഒരു പഴയ പഠനം വെളിപ്പെടുത്തി. ലക്ഷക്കണക്കിന് സ്ത്രീകളിൽ നിന്നുള്ള ഡാറ്റ വിശകലനം ചെയ്യുന്ന പഠനങ്ങൾ ആപ്പിളും പിയറും കഴിക്കുന്നത് സ്തനാർബുദ സാധ്യത കുറക്കും.

ചില ടെസ്റ്റ് ട്യൂബ് പഠനങ്ങൾ അനുസരിച്ച് മുന്തിരിയിൽ കാണപ്പെടുന്ന ഫ്ലേവനോയ്ഡുകളും ആന്തോസയാനിനുകളും ഉൾപ്പെടെയുള്ള ചില സംയുക്തങ്ങൾക്ക് സ്തനാർബുദ കോശങ്ങളിൽ നിന്ന് സംരക്ഷിക്കാൻ കഴിയും.

7. മത്സ്യം

സാൽമൺ, മത്തി, അയല എന്നിവയുൾപ്പെടെയുള്ള കൊഴുപ്പുള്ള മത്സ്യങ്ങൾക്ക് ആരോഗ്യപരമായ ഗുണങ്ങൾ ഏറെയാണ്. അവയുടെ ഒമേഗ-3 കൊഴുപ്പുകൾ, സെലിനിയം, അസ്റ്റാക്സാന്തിൻ പോലുള്ള ആന്റിഓക്‌സിഡന്റുകൾ എന്നിവ ക്യാൻസറിനെതിരെ പ്രവർത്തിക്കും. കൊഴുപ്പുള്ള മത്സ്യം കഴിക്കുന്നത് സ്തനാർബുദ സാധ്യത കുറയ്ക്കുമെന്ന് ചില പഠനങ്ങൾ കാണിക്കുന്നു. കൂടുതൽ കൊഴുപ്പുള്ള മത്സ്യങ്ങളും അൾട്രാ പ്രോസസ് ചെയ്ത ഭക്ഷണങ്ങളും കഴിക്കുന്നത് നിങ്ങളുടെ സ്തനാർബുദ സാധ്യത കുറക്കും.

8. പുളിപ്പിച്ച ഭക്ഷണങ്ങൾ

തൈര്, കിമ്മി, മിസോ, സോർക്രാട്ട് തുടങ്ങിയ പുളിപ്പിച്ച ഭക്ഷണങ്ങളിൽ സ്തനാർബുദത്തിൽ നിന്ന് സംരക്ഷിക്കുന്ന പ്രോബയോട്ടിക്സും മറ്റ് പോഷകങ്ങളും അടങ്ങിയിട്ടുണ്ട്. തൈര്, കെഫീർ തുടങ്ങിയ പുളിപ്പിച്ച പാലുൽപ്പന്നങ്ങൾ ഉൾപ്പെടെയുള്ള പാലുൽപ്പന്നങ്ങളുടെ ഉപഭോഗം പാശ്ചാത്യ, ഏഷ്യൻ ജനസംഖ്യയിൽ സ്തനാർബുദ സാധ്യത കുറയ്ക്കുന്നതായി കണ്ടെത്തിയിട്ടുണ്ട്.

9. ബീൻസ്

ബീൻസ് ഫൈബർ, വിറ്റാമിനുകൾ, ധാതുക്കൾ എന്നിവയാൽ നിറഞ്ഞിരിക്കുന്നു. ഉയർന്ന ഫൈബർ അടങ്ങിയ ഇവ സ്തനാർബുദത്തിൽ നിന്ന് സംരക്ഷിക്കും. 4,706 സ്ത്രീകളെ ഉൾപ്പെടുത്തി നടത്തിയ ഒരു പഠനത്തിൽ, കുറഞ്ഞ ബീൻസ് കഴിക്കുന്നവരെ അപേക്ഷിച്ച് ഉയർന്ന ബീൻസ് കഴിക്കുന്നവരിൽ സ്തനാർബുദ സാധ്യത 20% വരെ കുറവാണ്.

10. ഔഷധസസ്യങ്ങളും സുഗന്ധദ്രവ്യങ്ങളും

ഔഷധസസ്യങ്ങളിലും സുഗന്ധവ്യഞ്ജനങ്ങളിലും സ്തനാർബുദത്തിൽ നിന്ന് സംരക്ഷിക്കാൻ സഹായിക്കുന്ന സസ്യ സംയുക്തങ്ങൾ അടങ്ങിയിട്ടുണ്ട്. വിറ്റാമിനുകൾ, ഫാറ്റി ആസിഡുകൾ, പോളിഫെനോൾ ആന്റിഓക്‌സിഡന്റുകൾ എന്നിവ ഇതിൽ ഉൾപ്പെടുന്നു.

ഉദാഹരണത്തിന്, ഓറഗാനോയിൽ കാർവാക്രോളും റോസ്മാരിനിക് ആസിഡും ആന്റിഓക്‌സിഡന്റുകളുണ്ട്. 2017 ലെ ഒരു പഠനത്തിൽ ഈ ആന്റിഓക്‌സിഡന്റുകൾ സ്തനാർബുദ കോശങ്ങളെ പ്രതിരോധിക്കുന്നതായി കണ്ടെത്തിയിട്ടുണ്ട്.

മറ്റ് പല ഔഷധസസ്യങ്ങൾക്കും സുഗന്ധദ്രവ്യങ്ങൾക്കും ശക്തമായ കാൻസർ വിരുദ്ധ ഫലങ്ങൾ ഉണ്ട്, അതിനാൽ ഭക്ഷണത്തിൽ കാശിത്തുമ്പ, കറി മസാല മിശ്രിതങ്ങൾ, ഇഞ്ചി എന്നിവ ഉൾപ്പെടുത്തുന്നത് നല്ലതാണ്.

11. ധാന്യങ്ങൾ

ഗോതമ്പ്, തവിട്ട് അരി, ബാർലി തുടങ്ങിയ മുഴുവൻ ധാന്യങ്ങളും നാരുകൾ, വിറ്റാമിനുകൾ, ധാതുക്കൾ, ആന്റിഓക്‌സിഡന്റുകൾ എന്നിവയുൾപ്പെടെ വിവിധ പ്രധാന പോഷകങ്ങളാൽ സമ്പന്നമാണ്. ഇവക്ക് ശക്തമായി ക്യാൻസറിനെ പ്രതിരോധിക്കുന്ന ഗുണങ്ങളും ഉണ്ട്. 2016-ലെ ഒരു പഠനത്തിൽ, ഓരോ ആഴ്ചയും കുറഞ്ഞത് ഏഴ് ധാന്യങ്ങളെങ്കിലും കഴിക്കുന്നത് സ്ത്രീകളിൽ സ്തനാർബുദം വരാനുള്ള സാധ്യത വളരെ കുറവാണെന്ന് കണ്ടെത്തിട്ടുണ്ട്.

മറ്റ് ചില ഗവേഷണങ്ങൾ അനുസരിച്ച് ഭക്ഷണത്തിൽ ധാന്യങ്ങൾ ചേർക്കുന്നത് പാൻക്രിയാറ്റിക്, കൊളോറെക്റ്റൽ, ആമാശയം, അന്നനാളം ക്യാൻസറുകൾ എന്നിവയുൾപ്പെടെയുള്ള മറ്റ് പലതരം ക്യാൻസറുകളിൽ നിന്നും സംരക്ഷിക്കും.

12. വാൽനട്ട്

വാൽനട്ടിന് ഗുണങ്ങളുടെ ഒരു നീണ്ട പട്ടികയുണ്ട്, ആൽഫ-ലിനോലെനിക് ആസിഡ് ഉൾപ്പെടെയുള്ള ആരോഗ്യകരമായ കൊഴുപ്പുകളുടെ വലിയ സ്രോതസ്സാണ് വാൽനട്ട്. ഭക്ഷണത്തിൽ വാൽനട്ടും മറ്റ് തരത്തിലുള്ള അണ്ടിപ്പരിപ്പും ചേർക്കുന്നത് സ്തനാർബുദത്തിൽ നിന്ന് സംരക്ഷിക്കാൻ സഹായിക്കുമെന്ന് ചില ഗവേഷണങ്ങൾ സൂചിപ്പിക്കുന്നു.

201 പേരെ ഉൾപ്പെടുത്തി 2015-ൽ നടത്തിയ ഒരു പഠനമനുസരിച്ച്, ഓരോ ആഴ്ചയും ഏറ്റവും കൂടുതൽ വാൽനട്ട്, നിലക്കടല, ബദാം എന്നിവ കഴിക്കുന്നവർക്ക് സ്തനാർബുദം വരാനുള്ള സാധ്യത മടങ്ങ് കുറവാണ്. 2016 ലെ ഒരു പഠനം കാണിക്കുന്നത് വാൽനട്ടിൽ നിന്ന് വേർതിരിച്ചെടുത്ത ചില സംയുക്തങ്ങൾക്ക് സ്തനാർബുദ കോശങ്ങളുടെ വളർച്ച 63% തടയാൻ കഴിയുമെന്നാണ്