4ജി സിം സൗജന്യമായി നൽകുന്ന പദ്ധതി പ്രമുഖ പൊതുമേഖല ടെലികോം കമ്പനിയായ ബിഎസ്എൻഎൽ ഡിസംബർ 31 വരെ നീട്ടി. എന്നാൽ ആദ്യ തവണ നൂറ് രൂപയ്ക്ക് മുകളിൽ റീച്ചാർജ്് ചെയ്യുന്ന ഉപയോക്താക്കൾക്കാണ് ഈ ഓഫർ.

ബിഎസ്എൻഎല്ലിലേക്ക് പോർട്ട് ചെയ്യാൻ ആഗ്രഹിക്കുന്ന ഉപയോക്താക്കൾക്കും ഈ ഓഫർ ലഭിക്കും. സിംകാർഡിന് വരുന്ന 20 രൂപ ചെലവാണ് ഡിസംബർ 31 വരെ ഒഴിവാക്കാൻ ബിഎസ്എൻഎൽ തീരുമാനിച്ചത്. എന്നാൽ ആദ്യ തവണ നൂറ് രൂപയ്ക്ക് മുകളിൽ റീച്ചാർജ് ചെയ്യുന്നവർക്കാണ് ഇതിന്റെ ആനുകൂല്യം ലഭിക്കുക.

നിലവിൽ കേരള സർക്കിളിലാണ് ഈ ഓഫർ നിലനിൽക്കുന്നത്. മറ്റു സർക്കിളുകളിലേക്കും ഈ ഓഫർ നീട്ടിയേക്കുമെന്നാണ് റിപ്പോർട്ടുകൾ. ബിഎസ്എൻഎൽ കസ്റ്റമർ സർവീസ് സെന്റർ, ബിഎസ്എൻഎൽ റീട്ടെയിൽ ഔട്ട്ലെറ്റുകൾ എന്നിവിടങ്ങളിൽ നിന്ന് ഫോർജി സിം ലഭിക്കും.