പണം അയക്കാൻ ഫോൺ പേ, ഗൂഗിൾ പേ, പേ.ടി.എം പോലുള്ള ആപ്പുകൾ ഉപയോഗിക്കുന്നവരാണ് നമ്മൾ. യു.പി.ഐ സംവിധാനം ഉപയോഗിച്ചാണ് ഇത്തരം ആപ്പുകൾ പണം കൈമാറ്റം സാധ്യമാക്കുന്നത്. ഈ ആപ്പുകൾക്കെല്ലാം പണം കൈമാറ്റത്തിന് ഇന്റർനെറ്റ് കണക്ഷൻ ആവശ്യമാണ്. നെറ്റില്ലാതെയും യു.പി.ഐ വഴി പണം കഴിഞ്ഞാലോ? അതെങ്ങനെയെന്ന് നോക്കാം.

1. നെറ്റില്ലാതെ യു.പി.ഐ വഴി പണം കൈമാറാൻ സ്മാർട്ടഫോണിന്റെ ആവശ്യം പോലുമില്ല. ആദ്യമായി നിങ്ങളുടെ ഫോണിൽ *99# ടൈപ്പ് ചെയ്ത് കോൾ ബട്ടൺ അമർത്തുക.

2 . ഇപ്പോൾ നിങ്ങളുടെ സ്‌ക്രീനിൽ ഈ ഓപ്‌ഷനുകൾ ലഭ്യമാകും. പണം അയക്കാനോ ആവശ്യപ്പെടാനോ അതോ ബാലൻസ് അറിയാനോ, ഏതാണ് നമ്മുടെ ആവശ്യം എന്നനുസരിച്ച് അതിന്റെ സംഖ്യ ടൈപ്പ് ചെയ്യുക.

3 . പണം അയക്കാനാണെങ്കിൽ ഒന്ന് അമർത്തുക. മൊബൈൽ നംബർ, യു.പി.ഐ ഐ.ഡി, ബാങ്ക് അക്കൗണ്ട് വിവരങ്ങൾ എന്നിവ ഉപയോഗിച്ച് പണം അയക്കാൻ കഴിയുക.

4 . ഏതെങ്കിലും ഒരു ഓപ്‌ഷൻ തെരഞ്ഞെടുത്താൽ പണം അയക്കേണ്ട ആളുടെ മൊബൈൽ നംബർ, യു.പി.ഐ ഐ.ഡി, ബാങ്ക് അക്കൗണ്ട് വിവരങ്ങൾ എന്നിവ നൽകണം.

5 . അയക്കാനുള്ള തുക ടൈപ്പ് ചെയ്യുക

6 . അവസാനമായി നിങ്ങളുടെ യു.പി.ഐ പിൻ നൽകി സെൻഡ് ഓപ്‌ഷൻ സെലക്ട് ചെയ്യുക.