ലോകത്തിലെ ഏറ്റവും വലിയ ഓൺലൈൻ വീഡിയോ പ്ലാറ്റ്ഫോമായ യൂട്യൂബിന്റെ ചീഫ് എക്സിക്യൂട്ടീവ് ഓഫീസർ സ്ഥാനമൊഴിയാനൊരുങ്ങി സൂസന്‍ വോജിക്കി. യൂട്യൂബിന്റെ ചീഫ് പ്രൊഡക്റ്റ് ഓഫീസറായ നീൽ മോഹൻ ആയിരിക്കും യൂട്യൂബിന്റെ പുതിയ മേധാവി.

2014-ലാണ് യൂട്യൂബിന്റെ സിഇഒ ആയി സൂസന്‍ വോജിക്കി സ്ഥാനമേൽക്കുന്നത്. പരസ്യത്തിന്റെയും മാർക്കറ്റിങിന്റെയും ചുമതല വഹിച്ചിരുന്ന ഗൂഗിൾ വൈസ് പ്രസിഡന്റായിരുന്നു സൂസന്‍ വോജിക്കി. 9 വർഷത്തെ സേവനത്തിന് ശേഷമാണ് അവർ സിഇഒ സ്ഥാനമൊഴിയുന്നത്.