യു.പി.ഐ അഥവാ യുണിഫൈഡ് പേയ്മെന്റ് ഇന്റർഫേസ് ഇന്ത്യക്കാർ ഏറ്റവും കൂടുതലായി ഉപയോഗപ്പെടുത്തിയത് നോട്ട് നിരോധനത്തിന് ശേഷമാണ്. യു.പി.ഐ പേയ്‌മെന്റുകൾ ലളിതമാണെന്നുള്ളത് ഉപയോക്താവിന് സൗകര്യപ്രദമായി. യു.പി.ഐ സംവിധാനത്തിലൂടെ പണം കൈമാറുന്നത് ലളിതമായെങ്കിലും അതുവഴിയുള്ള കുറ്റകൃത്യങ്ങൾ വർധിച്ചുവെന്നു തന്നെ പറയാം. അത്തരം കുറ്റകൃത്യങ്ങളുടെ കണക്ക് ഞെട്ടിക്കുന്നതാണ്.

ഓൺലൈൻ പണമിടപാട് നടത്തുമ്പോൾ ഉപയോക്താക്കൾ ഈ അഞ്ച് കാര്യങ്ങൾ ശ്രദ്ധിക്കേണ്ടതുണ്ട്

1. നിങ്ങളുടെ യു.പി.ഐ പിൻ ആരുമായും പങ്കിടരുത്

നാല് അല്ലെങ്കിൽ 6 അക്ക യുപിഐ പിൻ ആരെങ്കിലുമായി പങ്കുവെക്കുന്നത് ഒരുപക്ഷെ പണം നഷ്ടമാകുന്നതിന് കാരണമാകുമെന്ന് തന്നെയാണ് വിലയിരുത്തപ്പെടുന്നത്. നിങ്ങളുടെ ബാങ്ക് അക്കൗണ്ട് യുപിഐ ഐഡിയുമായി ലിങ്ക് ചെയ്യുമ്പോൾ ശക്തമായ പിൻ നമ്പർ സൃഷ്ടിക്കുക.

2. യു.പി.ഐ ആപ്പുകൾക്ക് സെക്യൂരിറ്റി കോഡ് നൽകുക

നിർണായകമായ നിരവധി ആപ്പുകളും ഇമെയിലുകളും മറ്റ് ഇനങ്ങളും അടങ്ങിയിരിക്കുന്നതിനാൽ നിങ്ങളുടെ ഫോൺ എപ്പോഴും ലോക്ക് ചെയ്തിരിക്കണം. നിങ്ങളുടെ ഫോൺ മോഷ്ടിക്കപ്പെടുകയാണെങ്കിൽ ഇത് നിങ്ങളുടെ നഷ്ടം കുറയ്ക്കും. പാസ്വേഡ് പതിവായി അപ്ഡേറ്റ് ചെയ്യുന്നതും വളരെ നല്ലതാണ്.

3. ഇടപാടിന് മുമ്പ് എപ്പോഴും യുപിഐ ഐഡി സ്ഥിരീകരിക്കുക

എല്ലായ്‌പ്പോഴും ശരിയായ യുപിഐ ഐഡി നൽകുകയും നിങ്ങൾക്ക് പണം ലഭിക്കുമ്പോഴെല്ലാം അത് രണ്ടുതവണ പരിശോധിക്കുകയും ചെയ്യുക. സമാനമായ രീതിയിൽ, ഇടപാട് ആരംഭിക്കുന്നതിന് മുമ്പ് റിസീവറുടെ യുപിഐ ഐഡി രണ്ടുതവണ സ്ഥിരീകരിക്കുക. തെറ്റായ പണമിടപാടിൽ നിന്നും ഇത് നിങ്ങളെ തടയും.

4. ഒന്നിലധികം UPI ആപ്പ് ഉപയോഗിക്കുന്നത് ഒഴിവാക്കുക

ഒന്നിലധികം യു.പി.ഐ ആപ്പ് ഉപയോഗിക്കുന്നത് ആശയക്കുഴപ്പമുണ്ടാക്കാം. അത് ഒരു തരത്തിലും പ്രയോജനകരമല്ല. യുപിഐ ഇടപാടുകൾ ആർക്കും ഏത് ആപ്പിൽ നിന്നും സൗജന്യമാണ്.

5. സ്ഥിരീകരിക്കാത്ത ലിങ്കുകളിൽ ക്ലിക്ക് ചെയ്യരുത്

മെസേജിലൂടെയോ ഇമെയിലിലൂടെയോ അയച്ച ലിങ്കുകളിൽ ക്ലിക്ക് ചെയ്ത് തട്ടിപ്പിന് ഇരയായവർ ഒത്തിരിപേരുണ്ടെന്നാണ് റിപ്പോർട്ടുകൾ പറയുന്നത്. പരിശോധിച്ചുറപ്പിക്കാത്തതോ സംശയാസ്പദമായി തോന്നുന്നതോ ആയ ലിങ്കുകൾ നിങ്ങളുടെ ഫോണിൽ ലഭിക്കുമ്പോൾ, അവയിൽ ക്ലിക്ക് ചെയ്യരുത്. നിങ്ങളുടെ ഫോൺ ഹൈജാക്ക് ചെയ്യുന്നതിനും നിങ്ങളുടെ ഐഡന്റിറ്റി, പിൻ നമ്പർ മോഷ്ടിക്കുന്നതിനും നിങ്ങളുടെ ബാങ്കിംഗ് ഇടപാടുകൾ നിരീക്ഷിക്കപ്പെടുന്നതിനും ഇത് കാരണമായേക്കാം.

ബാങ്ക് പ്രതിനിധികളാണെന്ന വ്യാജേന ഒരുപക്ഷെ നിങ്ങൾക്ക് പല കാളുകളും വന്നേക്കാം. അവർ ഒരു ആപ്പ് ഡൗൺലോഡ് ചെയ്യാനും എസ്.എം.എസ്സായി വന്ന ഒ.ടി.പി നൽകാനും ഉപഭോക്താക്കളോട് ആവശ്യപ്പെടും. നിങ്ങളുടെ ഒ.ടി.പി നമ്പർ ആവശ്യപ്പെടുമ്പോൾ അത് നൽകാതിരിക്കുക