കലിപ്പ്... കട്ടക്കലിപ്പ്... ഫേസ്‍ബുക്കില്‍ വൈറലാകുന്ന കുഞ്ഞിന്‍റെ വീഡിയോ
കലിപ്പ്... കട്ടക്കലിപ്പ്... ഫേസ്‍ബുക്കില്‍ വൈറലാകുന്ന കുഞ്ഞിന്‍റെ വീഡിയോ
കൊച്ചുകുട്ടികളുടെ ഭൂമിയിലെ സ്വര്‍ഗമാണ് ഡിസ്‍നിലാന്‍ഡ്.
കൊച്ചുകുട്ടികളുടെ ഭൂമിയിലെ സ്വര്‍ഗമാണ് ഡിസ്‍നിലാന്‍ഡ്. അവധിക്കാലത്ത് ഡിസ്‍നിലാന്‍ഡിലേക്ക് പോകുകയെന്നത് തന്നെ കുട്ടികളെ ആവേശഭരിതരാക്കും. അവിടെ അവരെ ഡിസ്‍നിയുടെ പ്രിയ രാജകുമാരിമാരും മറ്റു കഥാപാത്രങ്ങളുമൊക്കെ 'ജീവനോ'ടെ കാത്തിരിപ്പുണ്ടാകും.
ടിവിയിലെ തങ്ങളുടെ ഇഷ്ടതാരങ്ങളെ നേരിട്ടുകാണുന്നതിന്‍റെയും സംസാരിക്കുന്നതിന്‍റെയും കളിക്കുന്നതിന്‍റെയുമൊക്കെ ആവേശത്തിലായിരിക്കും കുട്ടികള്‍. എന്നാല്‍ എല്ലാ കുട്ടികളും സന്തോഷത്തില്‍ ആറാടുമെന്നൊക്കെ കരുതിയാല്‍ തെറ്റി. കെയ്‍ലിന്‍ എന്ന രണ്ടര വയസുകാരിയാണ് ഡിസ്‍നിയുടെ സ്‍നോ വൈറ്റ് എന്ന രാജകുമാരിയെ തോല്‍പ്പിച്ചു കളഞ്ഞത്. ഭക്ഷണം കഴിക്കുന്നതിനിടെയാണ് രാജകുമാരി കെയ്‍ലിന്‍റെ അടുത്തെത്തിയത്. ഒപ്പം ചേര്‍ന്നിരുന്ന് കളിതമാശ പറഞ്ഞും കളിച്ചുമൊക്കെ രാജകുമാരി സജീവമായി. എന്നാല്‍ രാജകുമാരിയെ ഒന്ന് തിരിഞ്ഞുനോക്കിയ കെയ്‍ലിന്‍ പിന്നെ ആ ഭാഗത്തേക്ക് നോക്കാന്‍ പോലും തയാറായില്ല. ഭക്ഷണത്തില്‍ തന്നെ ശ്രദ്ധ കേന്ദ്രീകരിക്കാനായിരുന്നു കെയ്‍ലിന്‍റെ തീരുമാനം. കെയ്‍ലിന്‍റെ മാതാപിതാക്കള്‍ തന്നെയാണ് വീഡിയോ ചിത്രീകരിച്ച് ഫേസ്‍ബുക്കിലിട്ടത്. ഇന്ന് നവമാധ്യമങ്ങളുടെ പ്രിയങ്കരിയാണ് കെയ്‍ലിന്‍.
Adjust Story Font
16
