ടിക് ടോക്: ലോക്ക് ഡൌണ്‍ കാലത്ത് ഏറ്റവും കൂടുതല്‍ ഡൌണ്‍ലോഡ് ചെയ്യപ്പെട്ട മൊബൈല്‍ ആപ്പ്
ടിക് ടോക്കിന് പുറമെ, വാട്സ് ആപ്, ഫേസ്ബുക്ക്, ഹലോ തുടങ്ങിയ ആപ്പുകളുടെ ഡൌണ്‍ലോഡിങ്ങും വലിയ തോതില്‍ വര്‍ധിച്ചിട്ടുണ്ട്
വാട്സ് ആപ്പിനെയും ഫേസ്ബുക്കിനെയും മറികടന്ന് ലോക്ക് ഡൌണ്‍ കാലത്ത് ഏറ്റവും കൂടുതല്‍ ഡൌണ്‍ലോഡ് ചെയ്യപ്പെട്ട മൊബൈല്‍ ആപ്പായി ടിക് ടോക്. കഴിഞ്ഞ ജനുവരിയെ അപേക്ഷിച്ച് നോക്കുമ്പോള്‍ ടിക് ടോക് 20 ശതമാനം കൂടുതല്‍ ഡൌൺലോഡ് ചെയ്യപ്പെട്ടിട്ടുണ്ട്. ആപ് ആനി നടത്തിയ സര്‍വെയിലാണ് ഇത് തെളിഞ്ഞത്. ഗൂഗിള്‍ പേയിലും ഐഒഎസിലും 49 മില്യണ്‍ ഡൌണ്‍ലോഡ്സ് ടിക് ടോക് നേടി.
ടിക് ടോക്കിന് പുറമെ, വാട്സ് ആപ്, ഫേസ്ബുക്ക്, ഹലോ തുടങ്ങിയ ആപ്പുകളുടെ ഡൌണ്‍ലോഡിങ്ങും വലിയ തോതില്‍ വര്‍ധിച്ചിട്ടുണ്ട്. ടിക് ടോകിന്‍റെ ഉടമസ്ഥരായ ബൈറ്റ് ഡാന്‍സാണ് ഹലോ ആപ്പിന്‍റെയും ഉടമസ്ഥര്‍. ഫേസ്ബുക്കിന്‍റെ ഉടമസ്ഥതയിലുള്ള ഇന്‍സ്റ്റാഗ്രാമും അലിബാബ ഗ്രൂപ്പിന്‍റെ വിമേറ്റും ഈ പട്ടികയില്‍ ഇടം പിടിച്ചിട്ടുണ്ട്.
കഴിഞ്ഞ വര്‍ഷങ്ങളെ അപേക്ഷിച്ച് വലിയ വര്‍ധനവാണ് ടിക് ടോക് ഡൌണ്‍ലോഡ് ചെയ്തവരുടെ എണ്ണത്തില്‍ ഉണ്ടായിരിക്കുന്നത്. ബൈറ്റ് ഡാന്‍സിന്‍റെ കണക്കനുസരിച്ച് ഇന്ത്യയില്‍ ജനങ്ങളെ ഏറ്റവും കൂടുതല്‍ ആകര്‍ഷിക്കുന്ന ആപ്പാണ് ടിക് ടോക്. 2019നെ അപേക്ഷിച്ച് 44 ശതമാനം വര്‍ധനവാണ് ഇപ്പോള്‍ ഉണ്ടായിരിക്കുന്നത്.
Adjust Story Font
16
