രാഷ്ട്രീയത്തിലിറങ്ങുമോ ? മഞ്ജു വാര്യരുടെ മറുപടി ഇങ്ങനെ...

കൊച്ചിയില്‍ കെയര്‍ ഓഫ് സൈറ ബാനു എന്ന ചിത്രത്തിന്റെ ഷൂട്ടിങിനെത്തിയപ്പോഴാണ് മഞ്ജുവിന്റെ പ്രതികരണം

രാഷ്ട്രീയത്തിലേക്കില്ലെന്ന് നടി മഞ്ജു വാര്യര്‍. വേദിയില്‍ ആരുണ്ടെന്ന് നോക്കിയല്ല നൃത്തം ചെയ്യാറുള്ളതെന്നും മഞ്ജു വാര്യര്‍ പറഞ്ഞു. കൊച്ചിയില്‍ കെയര്‍ ഓഫ് സൈറ ബാനു എന്ന ചിത്രത്തിന്റെ ഷൂട്ടിങിനെത്തിയപ്പോഴാണ് മഞ്ജുവിന്റെ പ്രതികരണം. ഇറോസ് ഇന്റര്‍നാഷണലും മാക്ടോ ഫിലിംസും ചേര്‍ന്നാണ് ചിത്രം നിര്‍മിക്കുന്നത്. നവാഗതനായ ആന്റണി സോണിയാണ് ചിത്രത്തിന്റെ സംവിധായകന്‍. ചിത്രത്തില്‍ ടൈറ്റില്‍ റോളായ സൈറ ബാനുവായിട്ടാണ് മഞ്ജു വാര്യര്‍ എത്തുന്നത്. കരിങ്കുന്നം സിക്സസിനു ശേഷം മഞ്ജു അഭിനയിക്കുന്ന ചിത്രമാണ് കെയര്‍ ഓഫ് സൈറ ബാനു. 25 വര്‍ഷത്തിന് ശേഷം മലയാളത്തിന്റെ സൂര്യപുത്രി അമല മലയാള സിനിമയില്‍ തിരിച്ചെത്തുന്നു എന്ന പ്രത്യേകത കൂടിയുണ്ട് ചിത്രത്തിന്.