ധോണിയെക്കുറിച്ചുള്ള സിനിമ ഇന്റര്‍നെറ്റില്‍ ചോര്‍ന്നു
ധോണിയെക്കുറിച്ചുള്ള സിനിമ ഇന്റര്‍നെറ്റില്‍ ചോര്‍ന്നു
റിലീസ് ചെയ്ത് പിറ്റേന്ന് തന്നെ ചിത്രം ഇന്റര്‍നെറ്റില്‍ ചോര്‍ന്നത് സിനിമയുടെ കളക്ഷനെ ബാധിക്കുമെന്ന ആശങ്കയിലാണ് അണിയറ പ്രവര്‍ത്തകര്‍...
എം എസ് ധോണിയുടെ ജീവിതകഥ പറയുന്ന എം എസ് ധോണി ദ അണ്‍ടോള്‍ഡ് സ്‌റ്റോറി എന്ന ചിത്രം ഇന്റര്‍നെറ്റില്‍ ചോര്‍ന്നു. ഇന്നലെ അപ്‌ലോഡ് ചെയ്ത ചിത്രം ഇതിനോടകം ആയിരക്കണക്കിന് പേര്‍ കണ്ടുകഴിഞ്ഞു.
ടൊറന്റ് അടക്കമുള്ള പന്ത്രണ്ടോളം ഓണ്‍ലൈന്‍ സൈറ്റുകളിലൂടെയാണ് എം എസ് ധോണി ദ അണ്‍ടോള്‍ഡ് സ്‌റ്റോറി പ്രചരിക്കുന്നത്. വെള്ളിയാഴ്ച റിലീസ് ചെയ്ത ചിത്രം ഇന്നലെ രാവിലെ തന്നെ ഇന്റര്‍നെറ്റില്‍ പ്രത്യക്ഷപ്പെട്ടു. ടൊറന്റില്‍ നിന്നും ആയിരക്കണക്കിന് പേര്‍ ചിത്രം ഡൗണ്‍ലോഡ് ചെയ്തിട്ടുണ്ട്. ആദ്യദിനം തന്നെ മികച്ച പ്രതികരണം സ്വന്തമാക്കിയ ചിത്രം കഴിഞ്ഞ 2 ദിവസവും തീയറ്ററുകളില്‍ ഹൗസ് ഫുള്‍ ആയിരുന്നു.
എം എസ് ധോണിയുടെ ജീവിതകഥ പറയുന്ന ചിത്രമെന്നതുകൊണ്ട് തന്നെ ധോണി ആരാധകരടക്കം വലിയ പ്രചാരണമാണ് സിനിമക്ക് നല്‍കിയത്. സുശാന്ത് സിംഗ് രജ്പുത് എം എസ് ധോണിയായി വേഷമിട്ട ചിത്രം സംവിധാനം ചെയ്തത് നീരജ് പാണ്ഡെ ആയിരുന്നു. റിലീസ് ചെയ്ത് പിറ്റേന്ന് തന്നെ ചിത്രം ഇന്റര്‍നെറ്റില്‍ ചോര്‍ന്നത് സിനിമയുടെ കളക്ഷനെ ബാധിക്കുമെന്ന ആശങ്കയിലാണ് അണിയറ പ്രവര്‍ത്തകര്‍.
Adjust Story Font
16
