യു ട്യൂബിലും പുലിമുരുകന്‍ പുലി തന്നെ; ട്രയിലര്‍ ഒരു ദിവസം കൊണ്ട് കണ്ടത് 3.5 ലക്ഷം പേര്‍
യു ട്യൂബിലും പുലിമുരുകന്‍ പുലി തന്നെ; ട്രയിലര്‍ ഒരു ദിവസം കൊണ്ട് കണ്ടത് 3.5 ലക്ഷം പേര്‍
വൈശാഖാണ് ചിത്രം സംവിധാനം ചെയ്യുന്നത്
പുലിയുടെ വീര്യവും സിംഹത്തിന്റെ വന്യതയുമായി അവനിറങ്ങി, പുലിമുരുകന്‍. കഴിഞ്ഞ ദിവസം പുറത്തിറങ്ങിയ ചിത്രത്തിന്റെ ട്രയിലറും പേരിനോട് കിടപിടിക്കുന്നതായി. കാടിന്റെ വന്യഭംഗിയും മോഹന്‍ലാലിന്റെ സാഹസിക രംഗങ്ങളും കൂട്ടിയിണക്കി ഒരുക്കിയ ട്രയിലറിനെ ലാല്‍ ആരാധകര്‍ രണ്ടും കയ്യും നീട്ടി സ്വീകരിച്ചു. പ്രേക്ഷകരെ ആകാംക്ഷയുടെ മുള്‍മുനയില്‍ നിര്‍ത്തുന്നതാണ് ചിത്രത്തിന്റെ ട്രെയിലര്‍. സംഭാഷണമില്ലാതെ ത്രസിപ്പിക്കുന്ന രംഗങ്ങളുമായിട്ടാണ് ചിത്രത്തിന്റെ ട്രെയിലര്‍ പുറത്തിറക്കിയിരിക്കുന്നത്.
വൈശാഖാണ് ചിത്രം സംവിധാനം ചെയ്യുന്നത്. ഉദയകൃഷ്ണയാണ് തിരക്കഥയൊരുക്കിയിരിക്കുന്നത്. മലയാളത്തിലെ ഏറ്റവും ബിഗ് ബജറ്റ് ചിത്രം എന്ന വിശേഷണത്തോടെ തിയറ്ററുകളില്‍ എത്തുന്ന ചിത്രം നിര്‍മിക്കുന്നത് മുളകുപാടം ഫിലിംസിന്റെ ബാനറില്‍ ടോമിച്ചന്‍ മുളുകുപാടമാണ്. ഒക്ടോബര്‍ 7ന് ചിത്രം തിയറ്റുകളിലെത്തും. പ്രശസ്ത സ്റ്റണ്ട് കൊറിയോഗ്രാഫര്‍ പീറ്റര്‍ ഹെയ്‌നാണ് ചിത്രത്തിന്റെ കൊറിയോഗ്രാഫി നിര്‍വ്വഹിക്കുന്നത്. ചിത്രത്തിന്റെ ക്ലൈമാക്‌സില്‍ പുലിയുമായുള്ള മോഹന്‍ലാലിന്റെ റിയല്‍ ഫൈറ്റും ആരാധകരുടെ പ്രതീക്ഷ കൂട്ടുന്നുണ്ട്.
കമാലിനി മുഖര്‍ജിയാണ് ചിത്രത്തിലെ നായിക. നമിത, ജഗപതി ബാബു, സുരാജ് വെഞ്ഞാറമ്മൂട്, ബാല, കിഷോര്‍, മരകന്ധ് ദേശ്പാണ്ഡെ, എംആര്‍ ഗോപകുമാര്‍, രമേശ് പിഷാരടി, കെപിഎസി ലളിത, രമ്യാ നമ്പീശന്‍ എന്നിങ്ങനെ ഒരു വന്‍താര നിര തന്നെ ചിത്രത്തില്‍ അണിനിരക്കുന്നുണ്ട്. സംഗീതം ഗോപീസുന്ദര്‍.
Adjust Story Font
16
