സ്റ്റൈല്‍ മന്നന്‍റെ അടുത്ത ചിത്രം 'കാല' ; ആദ്യ പോസ്റ്റര്‍ പുറത്തിറങ്ങി
സ്റ്റൈല്‍ മന്നന്‍റെ അടുത്ത ചിത്രം 'കാല' ; ആദ്യ പോസ്റ്റര്‍ പുറത്തിറങ്ങി
'കാല'' എന്ന ചിത്രത്തിന്‍റെ നിര്‍മ്മാതാവ് കൂടിയായ നടന്‍ രഞ്ജിത്താണ് ആദ്യ പോസ്റ്റര്‍ ട്വീറ്റ് ചെയ്തത്. കബാലിക്ക് ശേഷം രഞ്ജിത്തും രജനിയുമൊന്നിക്കുന്ന ചിത്രം സംബന്ധിച്ച പ്രഖ്യാപനം കഴിഞ്ഞ ഓഗസ്റ്റില്‍
സ്റ്റൈല്‍ മന്നന്‍ രജനീകാന്തും പാ രഞ്ജിത്തും ഒന്നിക്കുന്ന അടുത്ത ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. 'കാല'' എന്ന ചിത്രത്തിന്‍റെ നിര്‍മ്മാതാവ് കൂടിയായ നടന്‍ രഞ്ജിത്താണ് ആദ്യ പോസ്റ്റര്‍ ട്വീറ്റ് ചെയ്തത്. കബാലിക്ക് ശേഷം രഞ്ജിത്തും രജനിയുമൊന്നിക്കുന്ന ചിത്രം സംബന്ധിച്ച പ്രഖ്യാപനം കഴിഞ്ഞ ഓഗസ്റ്റില്‍ തന്നെ നടന്നിരുന്നു. ആരാധകരുടെ നീണ്ട കാത്തിരിപ്പിനു ശേഷമാണ് ചിത്രത്തിന്‍റെ പേരും ആദ്യ പോസ്റ്ററും ഔദ്യോഗികമായി പുറത്തുവന്നിട്ടുള്ളത്,
തമിഴ്നാട്ടില്‍ നിന്നുമെത്തി മുംബൈയില്‍ പിടിമുറുക്കിയ ഒരു അധോലോക നായകന്‍റെ കഥയാണ് സിനിമ പറയുന്നതെന്നാണ് അഭ്യൂഹം. ഹാജി മസ്താനെ അധോലോക നായകനും കള്ളക്കടത്തുകാരനുമായി ചിത്രീകരിക്കരുതെന്ന മുന്നറിയിപ്പുമായി മസ്താന്‍റെ വളര്‍ത്തു പുത്രനെന്ന് അവകാശപ്പെട്ട സുന്ദര്‍ ശേഖര്‍ രജനിക്ക് വക്കീല്‍ നോട്ടീസ് അയച്ചിരുന്നു. എന്നാല്‍ ചിത്രം ഹാജി മസ്താന്‍റെ കഥയല്ലെന്നും മുംബൈയില്‍ ചിത്രീകരിക്കുന്ന ഒരു സാങ്കല്‍പ്പിക കഥമാത്രമാണെന്ന് നിര്‍മ്മാതാക്കള്‍ വ്യക്തമാക്കിയിരുന്നു.
Adjust Story Font
16
