കാളിയായി അരങ്ങ് തകര്‍ത്ത് സജിതാ മഠത്തില്‍
കാളിയായി അരങ്ങ് തകര്‍ത്ത് സജിതാ മഠത്തില്‍
ഫോര്‍ട്ട് കൊച്ചി പെപ്പര്‍ ഹൌസിലാണ് നാടകത്തിന്റെ ആദ്യ അവതരണം നടന്നത്
സിനിമാതാരം സജിത മഠത്തില്‍ രചിച്ച് പ്രധാന കഥാപാത്രത്തെ അവതരിപ്പിച്ച കാളി നാടകം അരങ്ങിലെത്തി. ഫോര്‍ട്ട് കൊച്ചി പെപ്പര്‍ ഹൌസിലാണ് നാടകത്തിന്റെ ആദ്യ അവതരണം നടന്നത്. കലാ- സാംസ്കാരിക രംഗത്തെ നിരവധി പ്രമുഖര്‍ നാടകം കാണാനെത്തി.
ഹൈന്ദവ പുരാണ കഥയായ ദാരികവധത്തെ അടിസ്ഥാനമാക്കി സ്ത്രീകള്‍ക്കെതിരെ നടക്കുന്ന അതിക്രമങ്ങളാണ് കാളി നാടകം ചര്‍ച്ച ചെയ്യുന്നത്. നാടകത്തിലെ പ്രധാന കഥാപാത്രമായ കാളിയെ അവതരിപ്പിക്കുന്നത് സജിത മഠത്തിലാണ്. ചെന്നൈ ഫിലിം ഫാക്ടറി നിര്‍മിച്ച് ലോകധര്‍മി അവതരിപ്പിച്ച നാടകത്തിന്റെ സംവിധാനം നിര്‍വഹിച്ചത് ചന്ദ്രദാസനാണ്. പട്ടണം റഷീദിന്റേതാണ് മേക്കപ്പ്. പ്രൊഫ. എം കെ സാനു, ഡബ്ബിങ് ആര്‍ടിസ്റ്റ് ഭാഗ്യലക്ഷ്മി, സിനിമാ താരങ്ങളായ മുത്തുമണി, അനുമോള്‍ തുടങ്ങി നിരവധി പേര്‍ നാടകം കാണാനെത്തിയിരുന്നു.
Adjust Story Font
16
