മര്യാദക്ക് വണ്ടിയെടുത്തില്ലെങ്കില്‍ ചെകിട്ടത്തടിക്കും; ഡ്രൈവറോട് ദേഷ്യപ്പെടുന്ന സെയ്ഫ് അലിഖാന്റെ വീഡിയോ പുറത്ത്
മര്യാദക്ക് വണ്ടിയെടുത്തില്ലെങ്കില്‍ ചെകിട്ടത്തടിക്കും; ഡ്രൈവറോട് ദേഷ്യപ്പെടുന്ന സെയ്ഫ് അലിഖാന്റെ വീഡിയോ പുറത്ത്
വിമാനത്താവളത്തില്‍ വന്നിറങ്ങിയപ്പോഴായിരുന്നു സംഭവം
കൃഷ്ണ മൃഗത്തെ വേട്ടയാടിയ കേസില്‍ വിധി പ്രസ്താവം കേള്‍ക്കാന്‍ രാജസ്ഥാനിലെത്തിയ നടന്‍ സെയ്ഫ് അലിഖാന്‍ ഡ്രൈവറോട് ദേഷ്യപ്പെടുന്ന വീഡിയോ പുറത്ത്. വിമാനത്താവളത്തില്‍ വന്നിറങ്ങിയപ്പോഴായിരുന്നു സംഭവം. വിധി പ്രസ്താവം ഇന്നായതിനാല്‍ മാധ്യമപ്രവര്‍ത്തകര്‍ വിമാനത്താവളത്തില്‍ തടിച്ച് കൂടിയിരുന്നു. സെയ്ഫ് അലിഖാനെ കണ്ടയുടന്‍ മാധ്യമ സംഘം അദ്ദേഹത്തേയും കാറിനേയും വളഞ്ഞു.
മാധ്യമങ്ങളോട് പ്രതികരിക്കാതെ കാറിനകത്ത് കയറിയ സെയ്ഫ് അലിഖാനേയും കൊണ്ട് കാറ് വേഗം സ്റ്റാര്‍ട്ട് ചെയ്ത് പോകാത്തതിനെ തുടര്‍ന്നാണ് സെയ്ഫ് ചൂടായത്. ഗ്ലാസ് താഴ്ത്തി വേഗം വണ്ടിയെടുത്തില്ലെങ്കില്‍ ചെകിടത്ത് അടിക്കും എന്ന് സെയ്ഫ് പറയുന്നതു കേള്‍ക്കാം. കേസില്‍ സല്‍മാന്‍ ഖാന്‍ ഒഴികെ ബാക്കിയുള്ളവരെ കോടതി കുറ്റവിമുക്തരാക്കി.
Adjust Story Font
16
