പടച്ചോനെ..മമ്മൂക്കയ്ക്ക് കണ്ണ് കിട്ടാണ്ട് കാത്തോളണേ
പടച്ചോനെ..മമ്മൂക്കയ്ക്ക് കണ്ണ് കിട്ടാണ്ട് കാത്തോളണേ
മമ്മൂക്കയുടെ ഫോട്ടോക്കൊപ്പം കമന്റും വൈറലായിരിക്കുകയാണ്
മലയാള സിനിമയിലെ എവര്‍ഗ്രീന്‍ ഹീറോ എന്ന വിശേഷണം പ്രേം നസീറിനാണെങ്കിലും ശരിക്കും അത് ഏറ്റവും കൂടുതല്‍ യോജിക്കുന്നത് മെഗാതാരം മമ്മൂട്ടിക്കാണ്. കാലങ്ങളെത്ര കഴിഞ്ഞാലും മമ്മൂക്കയുടെ സൌന്ദര്യത്തിന് ഒരു കുറവും സംഭവിച്ചിട്ടില്ലെന്ന് തെളിയിക്കുന്നതാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്ന ഒരു ചിത്രം. മഞ്ഞ ഷര്‍ട്ടിട്ട് ചെറുതാടിയുമായി നില്‍ക്കുന്ന മമ്മൂട്ടിയുടെ ചിത്രം കണ്ടാല്‍ ആരും ഒന്നു പറഞ്ഞു പോകും എന്താ ഗ്ലാമര്‍ എന്ന്. ചിത്രം കണ്ട നടി ശരണ്യ മോഹനും ഒരടിപൊളി കമന്റിട്ടു. മമ്മൂക്കയുടെ ഫോട്ടോക്കൊപ്പം കമന്റും വൈറലായിരിക്കുകയാണ്.
‘എന്റെ പടച്ചോനെ, മമ്മൂക്കയ്ക്ക് കണ്ണ് കിട്ടാണ്ട് കാത്തോളണേ ! ‘ ഇങ്ങനെയായിരുന്നു ശരണ്യയുടെ കമന്റ്. മൂവായിരത്തിലധികം ലൈക്കുകളാണ് ഈ കമന്റിന് ലഭിച്ചതും കൂടാതെ അഞ്ഞൂറില്‍ പരം മറുപടിയും കമന്റിന് താഴെയായി എത്തി.
ദുല്‍ക്കറിനെയാണോ മമ്മൂട്ടിയെ ആണോ കൂടുതല്‍ ഇഷ്ടമെന്നായിരുന്നു ആരാധകര്‍ക്കറിയേണ്ടത്. രണ്ടുപേരെയും ഒരുപോലെ ഇഷ്ടമാണെന്നായിരുന്നു നടിയുടെ മറുപടി. പിന്നെയും കമന്റുകള്‍ കൂടി വന്നപ്പോള്‍ മമ്മൂക്ക ആരാധകര്‍ക്ക് ഹലോ പറഞ്ഞ താരം ഇനി ഇവിടെ നിന്നാല്‍ തന്റെ മകന്‍ ഓടിക്കുമെന്ന് അറിയിച്ച് ചര്‍ച്ചകള്‍ക്ക് ഫുള്‍സ്റ്റോപ്പിട്ടു.
Adjust Story Font
16
