നീര്‍മാതള പൂവിനുള്ളില്‍... ആമിയിലെ ആദ്യ ഗാനമെത്തി

മാധവിക്കുട്ടിയുടെ പുന്നയൂർകുളത്തെ ബാല്യവും കൗമാരവും കൊൽക്കത്തയിലെ ജീവിതവും എഴുത്തുജീവിതവുമെല്ലാം ഈ പാട്ടിലുണ്ട്.

മാധവിക്കുട്ടിയായി മഞ്ജു വാര്യരെത്തുന്ന ആമിയിലെ ആദ്യ ഗാനം പുറത്തിറങ്ങി. നീര്‍മാതള പൂവിനുള്ളില്‍ നീഹാരമായി വീണ കാലം എന്ന് തുടങ്ങുന്ന ഗാനമാണ് പുറത്തിറങ്ങിയത്. റഫീഖ് അഹമ്മദിന്‍റെ വരികള്‍ക്ക് എം ജയചന്ദ്രനാണ് സംഗീതം നല്‍കിയത്. ശ്രേയ ഘോഷാലാണ് ഗാനം ആലപിച്ചത്. അര്‍ണാബ് ദത്തയും ശ്രേയക്കൊപ്പം പാടുന്നുണ്ട്.

പുന്നയൂർകുളത്തെ ബാല്യവും കൗമാരവും കൊൽക്കത്തയിലെ ജീവിതവും എഴുത്തുജീവിതവുമെല്ലാം ഈ പാട്ടിലുണ്ട്. മഞ്ജുവിന് പുറമെ ടൊവിനോ തോമസ്, മുരളി ഗോപി തുടങ്ങി നിരവധി അഭിനേതാക്കള്‍ പാട്ടിന്‍റെ ദൃശ്യങ്ങളിലുണ്ട്.